Baıanaýyl ulttyq parkinde týrıster qaýipsizdigi qalaı qorǵalady
30 maýsymdaǵy Ekologııa, geologııa jáne tabıǵı resýrstar vıtse-mınıstriniń protokolyna sáıkes, ulttyq parkter aýmaǵyna kelýshilerdiń qaýipsizdigi týraly, ulttyq parktiń qyzmetkerleri men Baıanaýyl aýdanynyń tótenshe jaǵdaılar qyzmetkerleriniń 19 men 21 shilde aralyǵynda hattamalyq tapsyrmasyn oryndaý maqsatynda aýmaqty tekserý jáne aýmaqtaǵy oryndardyń yqtımal qaýiptiligin anyqtaý úshin týrıstik marshrýttardy túgendep, tekserdi.
Tekserý nátıjesi boıynsha ekskýrsııalyq marshrýttarda qaýipti oryndar joq ekendigin anyqtaldy.
Baqylaý ótkizý beketterinde týrıstik marshrýttardyń kartasy men erekshe qorǵalatyn tabıǵı aýmaqtyn erejeleri, býklet túrindegi úlestirmeler, týrısterge arnalǵan jadynamasy bar habarlandyrý taqtalary ornatyldy.
Baıanaýyl ulttyq parkine kiretin kezde týrıst mindetti túrde tirkeýden ótedi, qaýipsizdik tehnıkasymen jáne EQTA-ǵa barý erejelerimen tanysady jáne gıd-jolseriktiń súıemeldeýimen marshrýttar boıynsha jiberiledi.
Týrızm bóliminiń mamandary qaýipsizdik tehnıkasy men EQTA-ǵa barý erejeleri boıynsha, qosymsha úlestirme materıaldar, týrısterge arnalǵan qaýipsizdik jónindegi jadynamalar ázirledi.
31 shilde ulttyq park qyzmetkerleri polıtsııa qyzmetkerlerimen jáne eriktilermen birlesip sanıtarlyq normalardy saqtaý boıynsha reıd ótkizdi.
Reıd barysynda QR ÁQBtK 372-baby 4-bóligi boıynsha 2 ákimshilik hattama toltyryldy. Jalpy somasy 58,4 myń teńge aıyppul salyndy.
Sondaı-aq, jergilikti atqarýshy organdar ókilderimen, eriktilerdiń jáne janashyr kelýshilerdiń qatysýymen «Birge Taza Qazaqstan»ekologııalyq aktsııasy ótkizildi. Barlyǵy 75 adam qatysty.
Jasybaı, Sabyndykól, Toraıǵyr jáne Birjankól kóliniń jaǵalaý aýmaǵynda qoqys pen turmystyq qaldyqtardan tazartý jumystary júrgizildi.
Aktsııa qorytyndysy boıynsha 1,4 tonna qoqys jınaldy, belsendi qatysýshylarǵa estelik syılyqtar men alǵys hattar tabys etildi.
Tamyz aıyna aýmaqty jınaý boıynsha is-sharalar jospary bekitildi.