Baıanaýyl týrıster úshin 16 maýsymnan bastap jabylady
11:32, 15 Maýsym 2020
PAVLODAR OBLYSY. QazAqparat - Baıanaýyl aýdanynyń ákimi Qanat Kárimov áleýmettik jelide aýdan turǵyndary men qonaqtaryna úndeý joldady, dep habarlaıdy QazAqparat.
«Tótenshe jaǵdaı rejımin alyp tastaǵanyna qaramastan, bizdiń oblystaǵy epıdemıologııalyq jaǵdaı da ózekti bolyp qalýda. Ózimiz ben aınaladaǵy adamdardy koronavırýstan saqtaý úshin qaýipsizdik sharalaryn saqtaý kerek, - deıdi Qanat Kárimov.
«Baıanaýyl aýdanynyń bas sanıtarlyq dárigeriniń qaýlysyna sáıkes, 16 maýsym saǵat 00-den bastap Baıanaýyl, Jasybaı, Sabyndykól, Toraıǵyr, Birjankól demalys aımaǵynyń barlyq demalys úıleri men jaǵajaılary sanıtarlyq-epıdemıologııalyq jaǵdaı jaqsarǵanǵa deıin jabyldy. Bul - birinshi kezekte ózimizdiń amandyǵymyz úshin óte mańyzdy», dep tolyqtyrdy ákim.