Baıanaýyl taýlarynan zeınetker qutqaryldy

PAVLODAR. QazAqparat - 20 maýsymda saǵat 21.36-da Jasybaı demalys aımaǵynda taýda bir adam aıaǵyn syndyryp, túse almaı jatqany týraly habarlama kelip tústi, dep habarlaıdy QazAqparat aımaqtaǵy TJD-ǵa silteme jasap.

Oqıǵa ornyna alpınıstik jabdyqtary bar 5 qutqarýshy, bir tehnıka jáne kınologııalyq esepteý dereý jolǵa shyqqan.

«Qutqarýshylar taýdan er adamdy izdep tapqan kezde, ol es-tússiz boldy. Ol taýdan, bıiktikten qulaǵany anyqtaldy. Ony baıqap qalǵan demalýshylar dereý qutqarýshylarǵa habarlaǵan.

Pavlodar oblysy TJD qyzmetkerleri SOBR, Pavlodar oblysy PDQ ýchaskelik ınspektorlarymen birlesip, zardap shegýshini jerden 200 metr bıiktikten qóteretin arnaıy zembilderdi paıdalanyp túsirip, jedel járdem qyzmetterine tapsyrdy», - dep jazdy vedomstvodan.

1958 jyly týǵan er adamnyń mıy shaıqalyp, ish qabyrǵasy kógergen. Ol Baıanaýyl ortalyq aýrýhanasyna jatqyzyldy.