Baıanaýyldaǵy «Maıkóbe» kenishine tehnıkalyq jol salý usynyldy

<p>PAVLODAR. KAZINFORM &mdash; Baıanaýyldaǵy &laquo;Maıkóbe&raquo; kenishi bıyl 500 myń tonnaǵa jýyq kómir jóneltedi. Keler jyly bul kólem eki esege deıin artady degen jospar bar.</p>

Kenish 1987 jyldan beri jumys istep tur. Kómir qory shamamen 1,2 mlrd tonna. Sońǵy jyldary mundaǵy kómirge suranys joǵary. Osydan tórt jyl buryn syrtqa nebári 270 myń tonna jiberilse, bıylǵy jyl basynan 465 myń tonna kómir satylǵan. Tabıǵı otynnyń 30 paıyzy halyqtyń kommýnaldyq-turmystyq qajettilikterine baǵyttalyp otyr.

«Maıkóben-Vest» JShS basshysy Nurlan Ahmetbaevtyń sózinshe, kenish jylyna 4 mln tonna kómir berýge qabiletti. Al kelesi jyly eksport esebinen kómir óndirisin eki esege arttyrýdy josparlap otyr.

Pavlodar oblysynyń ákimi Asaıyn Baıhanov «Maıkóben-Vest» kompanııasynyń basshylyǵyna keler jyly júk kólikteri úshin tehnıkalyq jol salýdy tapsyrdy.

— Biz jyl saıyn oblys aýdandarynyń aýyldyq joldaryn jóndeımiz, buryn-sońdy asfalt-betondy tósem múldem bolmaǵan jerlerge joldar salýdamyz. Bul mańyzdy jobalar jáne buǵan bıýdjetten mıllıardtaǵan qarajat bólinedi. Olar bizdiń aýyldarymyzdyń bolashaǵy úshin, onyń turǵyndary úshin qajet. Ókinishke qaraı, mundaı joldardyń biraz bóligi aýyr júk kólikterimen buzylyp jatyr. Sondyqtan, aýdanda buǵan jol bermeý úshin kásiporynnyń qajettilikteri úshin qosymsha jol salý qajet, — dedi oblys ákimi.

Buǵan deıin Pavlodar oblysyndaǵy kómir baǵasy ótken jyldyń deńgeıinde saqtalyp turǵanyn jazǵan bolatynbyz.