Baıanaýylda ken ornynda kóz jumǵan jáne iz-túzsiz ketkenderdiń otbasyna 4,5 mln teńgeden beriledi

<p>Pavlodar oblysy Baıanaýyl aýdanynda &laquo;Maıqaıyńaltyn&raquo; AQ ken ornynda kóz jumǵan jáne iz-túzsiz ketkenderdiń otbasyna 4,5 mln teńgeden ótemaqy tólenedi. Oblys ákimi Asaıyn Baıhanov osyndaı málimdeme jasady, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Biz „Maıqaıyń-altyn“ AQ aýmaǵyndaǵy izdestirý-qutqarý jumystaryn jalǵastyryp jatyrmyz. Oqıǵa ornynda menimen birge TJ vıtse-mınıstri jáne basqa da qyzmetter bar. Qutqarýshylar joǵary qaýipti rejımde jumys isteýde, óıtkeni, qulaý shekaralary turaqsyz, áli de paıda bolǵan shuńqyrda tas men topyraq syrǵyp jatyr. Barlyǵy 116 adam, 23 tehnıka jumyldyryldy. Búgin tańǵy saǵat 06:00–de Astana qalasy TJD kınologtar brıgadasy kelip, birden izdestirý jumystaryna kiristi» dep habarlady Asaıyn Baıhanov áleýmettik jelidegi paraqshasynda.

Foto: vıdeodan kadr

Onyń aıtýynsha, qaza tapqan jáne joǵalǵan qutqarýshylardyń otbasyna «Maıqaıyńaltyn» AQ jáne KÁAQQ ROSh-nan 4,5 mln teńgeden astam mólsherde materıaldyq kómek kórsetiledi.

Foto: vıdeodan skrın

«Memleket tarapynan qaza tapqan jandardyń otbasylaryna asyraýshysynan aırylý boıynsha áleýmettik tólem taǵaıyndalady. Qaza bolǵan eki qutqarýshynyń otbasyna qaıǵyryp kóńil aıtamyn. Marqumdardyń ımany salamat bolsyn. Biz izdeý-qutqarý jumystaryn jalǵastyramyz» dedi ákim. 

Eske sala keteıik, keshe «Maıqaıyńaltyn» ken ornynda úlken oıyq mańyndaǵy topyraq opyrylyp, 4 adam mingen avtobýs jerdiń astyna túsip ketken bolatyn.

Keıin oqıǵa ornynan eki adamnyń denesi tabyldy.

Keshkisin tabylǵandardyń kim ekeni belgili boldy.

Oqıǵa ornynda ıisshil ıtter jumys istep jatyr. Opyrylǵan jerde áli de topyraq syrǵyp túsip jatyr, opyrylý shekarasy turaqty emes. 

Foto: vıdeodan skrın