Baıan Maqsatqyzy jańa serıal túsiriliminiń alǵashqy kadryn kórsetti

ASTANA. QazAqparat - Tanymal qazaqstandyq prodıýser Baıan Maqsatqyzy konkýrs atymen birdeı atalatyn «Qazaq arýy» jańa serıalynyń túsiriliminiń qalaı júrip jatqany týraly vıdeo jarııalady.

Baıan Maqsatqyzy qazan aıynda ulttyq naqyshtaǵy sán konkýrsynyń tarıhyn kópshilikke usynatynyn jarııalady. Basty keıipkerdiń rólin 16 jasar Gúlzada Turlash somdaıdy. Fılm prodıýseri buryn aıtqandaı, serıaldy túsirýshiler «jańa esim» izdegen, sondyqtan da basty rólge konkýrstyń burynǵy jeńimpazdaryn shaqyrmady.


Áleýmettik jelilerge salynǵan jarııalanymdarǵa qarap, túsirilimniń túngi ýaqytta da júrip jatqanyn baıqaýǵa bolady. Prodıýser serıaldyń birneshe qoıylymyn - qazylar alqasynyń úmitkerlerdi talqylaýy, konkýrs sahnasynan tys oqıǵalar, sondaı-aq «Qazaq arýy» mindetti kezeńi bolyp tabylatyn daryndylar shoýyn jarııalady.

Aıta keteıik, «Qazaq arýy» konkýrsy jyl saıyn naýryz aıynda ótkiziledi. Bıylǵy jyly osymen altynshy ret bolyp ótti. Jobanyń sharty boıynsha, qyzdar qazaq tilin erkin meńgerip, ádebıet, tarıh, qazaq halqynyń salt-dástúri men ádet-ǵurpynan habardar bolýlary tıis. Intellektýaldyq qabiletterimen qatar, qyzdardyń syrtqy bet-beınesine qatań mán beriledi. Eske sala keteıik, túrli jyldary «Qazaq arýy» tıtýlyn Gúlnaz Jolanova, Kámshat Qoskelova, Aıgerim Qanatbaeva, Aıǵanym Ótepbergenova, Almıra Ahatova jeńip alǵan. 

<" width="1" height="1" layout="responsive">

Tem vremenem shel devıatnadtsatyı chas semok. Dobroe ýtro drýzıa 😊 #esentaıprodakshn🐎 #serıalkazakarýy

Vıdeo opýblıkovano Bayan Maxatkyzy (@bayanmaxatkyzy) Dek 20 2016 v 2:09 PST