Baıan Maqsatqyzy jańa kitabyna erekshe ataý izdep jatyr
«Dostar, jaqynda meniń kitabym jaryqqa shyǵady. Tek bir másele, ony qalaı atarymdy bilmeımin. Sizderdiń nusqalaryńyz qandaı? Kóńilimnen shyqqan ataý avtoryn jeke qoltańbammen tusaýkeserge shaqyramyn jáne birge túsken fotomyzdy paraqshamda jarııalaımyn», - dep jazdy prodıýser óziniń Instagram paraqshasyna.
Óz kezeginde jeli qoldanýshylary bir saǵatta «Kesh kelgen mahabbat», «Sýdba po ımenı Baıan», «Ómir belesteri», «Nejeleznaıa ledı», «Aq Baıan», «Zerkalo moeı dýshı», «Stepnaıa lastochka» syndy bes myńǵa jýyq ataý usynyp úlgerdi.
Ótken jyly kúzde Baıan Maqsatqyzy avtobıografııalyq kitap jazyp jatqanyn málim etti. Ol áleýmettik jelige óziniń jas kezindegi fotosyn júktep, astyna: «Ol kezde meni ne kútip turǵanyn bilmedim. Ańqaý, taza ári meıirimdi qyz - Baıan. Qazir sen kimsiń? Neden óttiń, ne bilesiń, qolyńnan ne keledi, oıyńda ne bar? Sizdermen kóp nársemen bóliskim keldi. Jaqynda kitap shyǵady. Sizdermen bóliserim bar...», - dep jazdy.