Baıan Esentaeva Maldıv araldarynda súıiktisimen demalyp júr

ASTANA. QazAqparat - Súıiktisi Tursynǵalı Alagózovpen Maldıv araldarynda demalyp júrgen qazaqstandyq prodıýser Baıan Esentaeva oqyrmandaryna qalaı ómir súrýdi úıretpeńder dep nazyn bildirdi. 

«Qalaı ómir súrýdi úıretpeńizdershi, ótinemin. Sizderdiń ýaǵyzdaryńyzǵa, ashý-yza men ózge de jaǵymsyz sózderińizge muqtaj emespin. Mańdaıǵa jazylǵany sizder aralaspaı-aq, bolyp qoıǵan. Sizderdiń de taǵdyrlaryńyzǵa meniń esh qatysym joq», - dep jazdy prodıýser Instagram jelisine.


Sonymen birge, Baıan jarııalanymǵa pikir qaldyrý qyzmetin óshirdi jáne jazbasyn bylaı dep tolyqtyrdy: «Bir-birimizge qurmetpen qaraýdy úırenbeıinshe, aramyzdaǵy bir jaqty baılanys ózgermeıdi. Kóptegen oqyrmandarymnyń mádenıeti men tárbıesi kóńil kónshiterlik emes. Al meniń ómirim toqtap qalǵan joq, dál qazir eń ǵajap jerde jumys istep, shyǵarmashylyqpen aınalysyp, súıýdi jalǵastyrýdamyn».


Odan keıin Baıan Esentaeva súıiktisimen birge túsken sýretin jarııalap, «Búkil álem qarsy bolsa da, súı», - degen romantıkalyq jazba qaldyrdy.


Eske sala ketsek, Baıan Esentaeva sotqa burynǵy kúıeýi Baqytbek Esentaevqa qatysty úkimdi qaıta qaraý týraly ótinish berdi. Almaty oblysynyń qylmystyq ister jónindegi mamandandyrylǵan aýdanaralyq soty áıeline birneshe jerinen pyshaq jaraqatyn salǵan Baqytbek Esentaevqa qatań rejimdegi kolonııada 9 jylǵa bas bostandyǵynan aıyrý týraly úkim taǵaıyndaǵan bolatyn.