Baýyrjan Baıbek jańa HQKO-nyń alǵashqy qonaǵy boldy
Alataý aýdany turǵyndaryna qyzmet kórsetý ortalyǵynda operatsııalyq zal, óz-ózine qyzmet kórsetý sektory, jınaqtaýshy sektor, áleýmettik qyzmet sektory, qujattandyrý, azamattardy tirkeý, daıyn qujattardy berý, konsýltatsııa syndy segiz sektor jumys isteıdi.
Almaty qalasy boıynsha HQKO fılıalynyń dırektory Danııar Ahmetov qalalyqtarǵa barynsha qolaıly bolý úshin «Connection Point» óz-ózine qyzmet kórsetý sektorynyń jumys jasaıtyndyǵyn, munda qajetti barlyq elektrondyq qyzmetti, sonyń ishinde bala baqshaǵa kezekke qoıýǵa, mekenjaı jáne zeınetaqy anyqtamasyn alýǵa, nekege turýǵa ótinish berýge jáne basqa da qyzmet túrlerin júzege asyrýǵa bolatyndyǵyn aıtty.
Kúnine 1,5 myń adamǵa deıin qyzmet kórsetetin jańa nysannyń zaldary barynsha qolaıly ári keń, «Ýnıversıada murasy» jobasy aıasynda jańa jıhazdarmen jabdyqtalǵan. Ǵımaratta múmkindigi shekteýli jandar úshin barlyq jaǵdaılar jasalǵan, olar yńǵaıly pandýstardy, lıfterdi paıdalanyp, ózderine qajet túrli tetikterdi basa alady.