Baýyrjan Baıbek: Partııany qaıta jańǵyrtý – saıası kóshbasshylyqty nyǵaıtýǵa múmkindik
«Eki apta buryn biz sybaılas jemqorlyqqa qarsy is-qımyl jónindegi respýblıkalyq keńesiniń otyrysyn ótkizdik. Partııalyq baqylaý komıteti jáne sybaılas jzemqorlyqqa qarsy is-qımyl jónindegi respýblıkalyq qoǵamdyq keńes – ekeýi de ózekti partııalyq baqylaý organy. Búgingi kúni olardyń róli men mańyzy erekshe», - deıdi Baýyrjan Baıbek.
Onyń aıtýynsha, tamyz aıynda partııanyń saıası keńesiniń keńeıtilgen otyrysynda QR Tuńǵysh Prezıdenti – Elbasy, partııa tóraǵasy Nursultan Nazarbaev «Senim, dıalog, bolashaqqa nyq qadam – Nur Otan partııasynyń 7 serpini» atty parıtııany qaıta jańǵyrtý baǵdarlamasyn jarııalaǵan.
«Qaıta jańǵyrtý sybaılas jemqorlyqqa qarsy jumysty kúsheıtý, partııalyq tártipti arttyrý, Partııa aınalasyna jastardy biriktirý jáne basqa da ózekti mindetterdi sheshýge baǵyttalǵan. Osy mindetterdi sapaly sheshý partııamyzǵa túbegeıli jańarý ǵana emes, eń bastysy – saıası kóshbasshylyqty nyǵaıtýǵa, saılaýshylardyń senimin aqtaýǵa múmkindik beredi», - deıdi ol.
Onyń aıtýynsha, bul máselede partııalyq baqylaý komıteti baqylaýshy organ retinde partııa tóraǵasy qoıǵan mindetterdiń oryndalýyn júıeli túrde baqylaý men monıtorıng júrgizýdi uıymdastyrýy qajet. Komıtettiń bul úshin qajetti tájirıbesi men resýrstary bar.
«Barlyq óńirde partııanyń 239 aımaqtyq komıssııalary jumys isteıdi. Partııalyq baqylaý komıtetiniń qyzmet istegen jyldary ishinde «Nurly Jol», «Nurly jer», «Aýyzsý», «Nurly kósh» sııaqty memlekettik ındýstrııalyq-ınnovatsııalyq, áleýmettik mańyzy bar baǵdarlamalardyń iske asýyn baqylaý júzege asyryldy. Barlyq óńir boıynsha áleýmettik nysandardyń qurylysy men olardyń ýaqytyly paıdalanýǵa berilýine qoǵamdyq baqylaý jumystary júrgizdi», - deıdi «Nur Otan» partııasy tóraǵasynyń birinshi orynbasary.