Baýyrjan Baıbek: Nur Otan-nyń barlyq deńgeıdegi máslıhattar úshin partııa tizimi 60%-ǵa jańarady
«Osy aptada barlyq óńirdiń, qalalar men aýdandardyń ákimderi – partııamyz fılıaldarynyń tóraǵalary partııaishilik irikteý qorytyndysyn talqylap, qurmet gramotalaryn tabystaý úshin praımerız qatysýshylarymen kezdesti.
Óz janyna 150-den astam belgili saıasattanýshy, qoǵam qaıratker men jýrnalısti toptastyrǵan «Nur Otan» jaqtastarynyń lıgasymen kezdesýde partııaishilik saılaýdy uıymdastyrý barysyn baqylaýǵa aıryqsha atsalysyp, aıqyndyǵy men ádil ótýin qamtamasyz etkeni úshin qoǵam belsendilerine alǵys aıttym», dep jazdy Baýyrjan Baıbek Facebook -tegi paraqshasynda.
Bas qosýda praımerızdiń birinshi kezeńiniń qorytyndysy egjeı-tegjeıli talqylanǵan.
«Jaqtastar lıgasynyń aıtýynsha, «Nur Otan» praımerızi – eldiń qoǵamdyq-saıası ómirindegi eleýli oqıǵa. Bir jarym mıllıonnan astam adamdy qamtyǵan kandıdattar bir aı boıy pikirsaıystyń kórigin qyzdyryp, ıdeıalary men jobalaryn tanystyrdy, el men qoǵam úshin mańyzy zor oılaryn ashyq aıtyp, kásibı, saıası qabiletin shyńdady.
Júrgizilgen taldaýlarymyzǵa sáıkes, tirkelgen 10 073 kandıdattyń ishinde praımerızge barlyq deńgeıdegi máslıhattardyń 1410 qyzmettegi depýtaty qatysty. Olardyń 213-i partııaishilik irikteýdiń birinshi kezeńinen óte almady. ıAǵnı praımerızden máslıhattardyń qyzmettegi depýtattarynyń úshten biri ǵana ótti», -dedi Baýyrjan Baıbek.
Eń joǵary nátıjege qol jetkizgen 500-den asa qatysýshy – volonterlar, kóp balaly analar, qarapaıym pedagogtar, dárigerler, kásiporyn qyzmetkerleri jáne basqalar.
«Bul rette, praımerız partııa qataryna 42 myńnan astam jańa múshelerdi tartýǵa múmkindik berdi. Olardyń 1000-nan astamy partııaishilik saılaýǵa qatysyp, árbir 4-si daýys berý qorytyndysy boıynsha eń joǵary reıtıngige ıe boldy.
Osylaısha, praımerızdiń birinshi kezeńiniń qorytyndysy boıynsha «Nur Otan»-nyń barlyq deńgeıdegi máslıhattarǵa arnalǵan partııalyq tizimderi 60%-ten astam jańarady dep aıtýǵa negiz bar.
Jalpy, praımerızdiń elimizde jańa saıası mádenıettiń qalyptasýyna, jetekshi partııa qataryn jańartýǵa jáne oǵan jańa kóshbasshylar leginiń qosylýyna júıelik negiz qalaǵany aıtyldy.
Osy oraıda Jaqtastar lıgasynyń qoldaýymen túrli tártip buzýshylyqtar men aıla-amaldardyń der kezinde jolyn kesip, ashyqtyq pen aıqyndyqty qamtamasyz etkenimizdi atap óttim.
Sondaı-aq, Jaqtastar lıgasynyń 30-dan astam múshesi praımerızge qatysý úshin partııa qataryna kirdi. Daýys berý qorytyndysy boıynsha 6 adam óz qalasy men aýdanynda alǵashqy 10-dyqqa kirip, kelesi kezeńge ótti», - dedi Baýyrjan Baıbek.
Onyń aıtýynsha kezdesý barysynda qyzyqty da kreatıvti usynystar aıtylǵan.
«Onyń ishinde partııa jumysyn odan ári jetildirý, Jaqtastar lıgasyn ınstıtýtsıonaldandyrý múmkindigi sekildi tyń usynystar bar.
Sonymen birge halyqtyń ózekti máselelerin sheshýge baılanysty jumylyp isteıtin jumystardy jalǵastyrý jóninde de kelisimge keldik.
Jaqtastar lıgasynda atap ótkendeı, praımerızde «utylǵandar joq, bári de ıgilikke jetti. Eń aldymen bul is-shara elimiz úshin ıgilikti boldy!», - dedi ol.