Baýyrjan Baıbek «Nur-Medıa» holdınginiń BAQ ókilderimen kezdesti
Shara barysynda holdıngtiń aǵymdaǵy jáne onyń aktıvteriniń jaǵdaıy, sondaı-aq, «Nur-Medıa» tobynyń BAQ-yn damytý jónindegi josparlar talqylandy.
Bıyl holdıngtiń quramyndaǵy 4 BAQ óz mereıtoılaryn atap ótpekshi. Atap aıtqanda, «Túrkistan» halyqaralyq aptalyǵy men «NS» radıosynyń qurylǵanyna - 20 jyl, «Aıqyn» jáne «Lıter» gazetterine - 10 jyl tolyp otyr.
Redaktsııalardy quttyqtaı otyryp, Baýyrjan Baıbek: «Holdıngtiń aqparat quraldary Elbasyynyń - partııa kóshbasshysynyń tapsyrmalaryn halyqqa túsindirip, partııa jumysy men saıası doktrınanyń basym baǵyttaryn jetkize otyryp, sol arqyly elimizdiń qoǵamdyq-saıası ómirinde erekshe ról atqaryp keledi», - dep atap ótti.
Kezdesý barysynda «Nur-Medıa» tobynyń bas dırektory Bolat Bersebaev holdıngtiń aǵymdaǵy jaı-kúıi men aktıvteriniń jaǵdaıy, ony damytý perspektıvalary týraly baıandady. Sondaı-aq, BAQ basshylary da óz kezeginde josparlary men ótken jyldaǵy jumys nátıjeleri týraly aıtyp berdi.
Partııa tóraǵasynyń birinshi orynbasary B.Baıbek holdıng basshysyna holdıngtiń qarjylyq turaqtylyǵyn jáne aktıvteriniń básekege qabilettiligin arttyrý, partııalyq kontenttiń mańyzyn joǵarlatý jóninde jumystardy jalǵastyryp, sonymen qatar, áleýmettik jelilerde, jalpy Internette «Nur-Medıa» BAQ kórinýin keńeıtýdi tapsyrdy.
«Nur-Medıanyń» aktıvteri radıo, televıdenıe, baspa BAQ, ınternet sekildi medıanaryqtyń barlyq segmentterinde oryn ıelengen. Atap aıtqanda, partııalyq holdıngtiń quramyna «Astana» telearnasy, «NS», «Orda FM» radıolary, Remarka.kz, Munara.kz, Aynaline.kz saıttary, «Lıter», «Aıqyn», «Túrkistan» gazetteri enedi.
Holdıngtiń BAQ derbes eksklıýzıvti kontent qurýdy, tırajdardy ulǵaıtýdy, habar taratý aıasyn keńeıtýdi kózdeıdi. Atap aıtsaq, «TNS GallupMediaAsia» málimetteri boıynsha «Astana» telearnasy qazaqstandyq telearnalardyń reıtıngisinde 5-shi oryndy ıelenedi. Telearna aýdıtorııasynyń úlesi 2012 jyldyń basyndaǵy 2,2%-dan 2013 jyldyń sońynda 7,9%-ǵa ósken.
Óz kezeginde «Orda FM» Astananyń tanymal stantsııalary arasynda úzdik úshtikte turaqty oryn alyp keledi, al «NS» radıosy onlaın-tyńdaýshylarnyń sany jóninen 1-shi oryndy ıelenedi. Kiwi.kz saıtynyń málimeti boıynsha, «NS» radıosy Qazaqstandaǵy radıostantsııalar arasynda eń kóp tyńdarmandary bar saıt retinde tanylyp otyr.
Aıta ketetin jaıt, búgingi kúnde holdıng medıalyq aktıvteriniń jumysyn qaıta qurýda. Qarjylaı shyǵyndardy azaıtý maqsatynda «Lıter» jáne «Aıqyn gazetteri bir-birine táýelsiz redaktsııalaryn saqtaı otyryp, bir seriktestikke biriktirilýde. 2014 jyldyń 10 sáýirinen bastap «Nur Otan» partııasynyń qoldaýymen «Ara» satıralyq jýrnaly «Aıqyn» gazetine qosymsha retinde jaryqqa shyǵa bastady. Munymen qatar, munara.kz saıty «Nur Otan» partııasynyń saıası doktrınasynda belgilengen qazaqstandyq qundylyqtardy ilgerletýge ekpin qoıa otyryp, óz kontentin damytpaqshy.