Baýyrjan Baıbek memlekettik baǵdarlamalardy júzege asyrý barysyn talqylady
Baýyrjan Baıbek atalǵan jıynda basqarmalar basshylary men aýdandar ákimderine óndiristik jumystardyń sapasyna nazar aýdaryp, nysandardyń der kezinde berilýi tıis ekenine aýdardy.
Qalalyq ákimdiktiń málimetine súıensek, Almatyda ınfraqurylymdyq damýdyń «Nurly jol» memlekettik baǵdarlamasy boıynsha jumys 3 baǵytta júrip jatyr: turǵyn úı- kommýnaldy sharýashylyq ınfraqurylymyn, jylý júıesin, sýmen qamtý jáne sýdan bólý júıelerin modernızatsııalaý,qaıta jasaý jáne salý.
«2015 jyldan beri qaraı «Saıaly», «Jas Qanat», «Alǵabas-1» men Ýnıversıada obektilerinde qajetti ınfraqurylymmen qamtý úshin 81 shaqyrymdyq ınjenerlik jeliler salyndy, 13,9 km ınjenerlik jeli qaıta jasaldy. Bıyl quny 9,9 mlrd teńge bolatyn nysandar jańarady, bul 2016 jylmen salystyrǵanda tozýy 1,5%-ǵa artyq, al shyǵyndy 2,3%-ǵa, apatty 3,2%-ǵa azaıtady. Baǵdarlama qolǵa alynǵaly beri 2,4 myńnan astam jańa jumys orny quryldy.
Bıyl «Nurly jer» baǵdarlamasy boıynsha jalpy alańy 216,8 myń sharshy metr nemese 4 198 páterli 85 úı paıdalanýǵa beriledi, sonymen qatar ákimdik tarapynan osy memlekettik baǵdarlama aıasynda 73 úı salynýda, onyń 24-i bıyl iske qosylady.
«Óńirlerdi 2020 jylǵa deıin damytý» baǵdarlamasy boıynsha 2015 jyldan beri qaraı jalpy quny 4,8 mlrd teńge bolatyn sýmen qamtýdyń 141 km jańa jelisi, 96 km káriz júıesi tartyldy. Jalpy 2016 jyly 467,2 km ınjenerlik jeli jańartyldy jáne salyndy. 2017 545 km ınjenerlik jelilerdi salý jáne qaıta jasaý josparlanǵan, onyń quramyna sýdan bólý, sýmen, gazben, jylýmen, elektrmen qamtý engen. Baǵdarlama aıasynda ótken jyly 37 úı jóndeldi, 47 lıft jańartyldy. 2017 jyly 245 úı (94 úıdiń 199 lıfti jańarady, 151 úıdiń podezderi, shatyrlary men mańdaıshalary retteledi) jóndeledi», delingen qalalyq ákimdiktiń habarlamasynda.
Indýstrıaldy-ınnovatsııalyq damýdyń Memlekettik baǵdarlamasy aıasynda Almatynyń kásipkerlikti qoldaý kartasyna quny 190 mlrd teńge bolatyn ári 12 myń jańa jumys ornyn quratyn 100 joba engen.
2015 jyldan quny 35,6 mlrd teńge bolatyn jáne 2,7 myń jańa jumys ornyn quratyn 33 joba júzege asyrylyp jatyr. Barlyq kásiporyndar jospar boıynsha jumys isteýde, olardyń júktemesi 70% jáne odan da joǵary. Jyl aıaǵyna deıin jalpy quny 59 mlrd teńge bolatyn jáne 2 myńnan astam jańa jumys ornyn ashatyn taǵy 22 joba qolǵa alynady.
Bıznesti qoldaý men damytýdyń biryńǵaı «BJK 2020»baǵdarlamasy aıasynda 2015 jáne 2016 jyldary 2,5 myń jańa jumys ornyn ashýdy qamtyǵan 448 joba oryndaldy. Sonyń arqasynda, 15,5 myń jumys orny saqtaldy. Bıyl sýbsıdııa, grant jáne kepildikke 4,4 mlrd teńge bólindi. Nátıjesinde, 1,6 myń jumys orny ashyldy, 7,3 myń jumys orny saqtaldy.
Qalalyq ákimdiń habarlaýynsha, «Jibek joly» óńirlik baǵdarlamasyna 2015 jyldan «Damý» qorymen birgen tepe-teńdik negizde 175 jobany qoldaý úshin 10,7 mlrd teńge bólindi. Baǵdarlamaǵa qatysýshylar 2016 - 2017 jyldary 1,2 mlrd teńge salyq tóledi, 550 jańa jumys ornyn ashty,1,2 myń jumys ornyn saqtap qaldy. Jeti aıdyń qorytyndysy boıynsha qalada ShOB sýbektileriniń qatary 7,3% -ǵa ósip, 172,9 myńǵa jetti. ShOB jumys isteıtinderdiń sany 2017 jyldyń birinshi toqsanynda 581 myń adamdy qurap, 2,4%-ǵa ósti.
Ústimizdegi jyldyń 7 aıynyń qorytyndysy boıynsha barlyq baǵdarlamalar boıynsha mańyzdy máseleler júzege asty,onyń ishinde densaýlyq saqtaý, bilim berý salalary, «Rýhanı jańǵyrý» jáne basqalary bar. Almatyda ǵylym men bilimdi damytý Baǵdarlamasy boıynsha 2016 jyly 1-shi synyp oqýshylaryn tegin oqýlyqtarmen, oqý- ádistemelik quraldarmen qamtamasyz etý 100 paıyzǵa oryndaldy,
2017 jyly 2-shi, 5-shi, 7-shi synyptar bilim berýdiń jańa júıesimen qamtylady. Bıylǵy jylǵy UBT qorytyndysy boıynsha qala oqýshylary altynshy jyl qatarynan respýblıkada birinshi oryndy ıelendi. Baǵdarlamanyń basqa da kórsetkishteri boıynsha bıik mejelerge qoljetti.