Baýyrjan Baıbek Denıs Tenniń týǵan-týystaryna kóńil aıtty

ALMATY. QazAqparat - Almaty ákimi Baýyrjan Baıbektiń eńbek demalysynda bolýyna baılanysty Denıs Tenmen qoshtasý rásiminde onyń týystaryna hat arqyly kóńil aıtty, dep habarlaıdy QazAqparat.

Hatty búgin sportshymen qoshtasý rásiminde Almaty qalasy ákiminiń mindetin ýaqytsha atqarýshy Sultanbek Mákejanov oqyp berdi.

«Bul bizdiń barlyǵymyz úshin orny tolmas ókinish. Denıstiń týǵan-týystarynyń qaıǵysyna ortaqpyn. Ol óziniń eńbekqorlyqy men tabandylyǵy arqyly óskeleń urpaqqa úlgi bolyp kele jatqan daryndy sportshy, naǵyz patrıot azamat edi. Denıs bizdiń jadymyzda qashanda jarqyn minezdi, meıirimdi azamat retinde qalady»,-delingen Almaty ákiminiń hatynda.

Aıta keteıik, Almatyda tanymal sportshy Denıs Tenmen men qoshtasý rásimi ótti. 

Almatylyqtar ony aqtyq saparǵa erekshe syı-qurmetpen shyǵaryp saldy.