Baýyrlas qazaq elindegi kóshpendiler oıyny joǵary deńgeıde ótýine tilekshimiz — Qyrǵyz memhatshysy

<p>ASTANA. KAZINFORM — Qyrǵyz Respýblıkasynyń Memlekettik hatshysy Súıúnbek Kasmambetov Qazaqstanǵa V Dúnıejúzilik kóshpendiler oıynyn ótkizýde sáttilik tiledi. Memlekettik hatshy Qyrǵyzstannyń Ystyqkól oblysynda Jibek Joly arnasyna shaǵyn suhbat berdi. </p>

«Baýyrlas, birtýǵan qazaq elin, qazaq týǵandarymyzdy kóshpendiler oıyny kútip tur. Olar ábden yntyzarlyqpen daıyndaldy, kóshpendiler oıynyn uıymdastyrý jumysyn odan ári jalǵastyryp keteıik dep áreket jasady. Biz dúnıe júzine, kóshpendiler mádenıetin, túrki mádenıetin nasıhattap jatyrmyz. Sport arqyly pash etemiz», — deıdi Qyrǵyzstan memlekettik hatshysy. 

Súıúnbek Kasmambetovtyń aıtýynsha, buǵan deıin deıin kóptegen oıyndarǵa kóshpendiler jurty kúndelikti jattyǵý retinde qarasa, keıinirek bul oıyndar túrik dúnıesine keńinen taraǵan oıyndardyń birine aınaldy.

«Baýyrlas qazaq elimen birge demimizdi ishke tartyp, yntymaqty bolsa eken dep, jaqsylyqty nasıhattasa eken dep joǵary deńgeıde ótýin tileımiz. Baýyrlastarǵa ıgilik tileımiz», — dep jyly lebizin bildirdi Súıúnbek Kasmambetov. 

Eske sala keteıik, Dúnıejúzilik kóshpendiler oıyny 8-13 qyrkúıek aralyǵynda Astanada ótedi.