«Baýyryna salý» fılmi taǵy top jardy

<p>ASTANA. KAZINFORM &mdash; &laquo;Baýyryna salý&raquo; fılminiń operatory Janarbek Eleýbek XX &laquo;Altyn mınbar&raquo; Qazan halyqaralyq kınofestıvalinde &laquo;Tolyqmetrajdy kórkem fılmdegi úzdik operatorlyq jumys&raquo; nomınatsııasyn jeńip aldy.&nbsp;</p>

Fılm QR Mádenıet jáne aqparat mınıstrligi men ulttyq kınony qoldaý ortalyǵynyń qoldaýymen túsirilgen.

Foto: Mádenıet mınıstrligi

Rejısser Ashat Kýchınchırekovtyń týyndysy áli de halyqaralyq arenada ártúrli kınofestıvalderde júldeger bolyp jatyr.  

Atap aıtsaq, San-Sebastıan kınofestıvalinde premerasy ótip, Qazaqstandaǵy úzdik debıýti úshin «Synshylardyń tańdaýy» syılyǵyn, Asia Pacific Screen Awards (APSA) kınofestıvalinde eń úzdik jastar fılmi syılyǵyn, 22-shi halyqaralyq «Dýh ognıa» kınofestıvaliniń bas júldesin jáne basqa birqatar marapatty ıelendi. 

Foto: Mádenıet mınıstrligi

«Baýyryna salý» fılmi ájesiniń qolynda ósken jetkinshektiń oqıǵasyn baıandaıdy.

Ájesi qaıtys bolǵannan keıin ol ata-anasyna oralýǵa jáne ózi bóten sanaıtyn adamdarmen jańa ortada qarym-qatynas qurýǵa májbúr bolady.

«Bul — ishinara meniń óz ómirimnen alynǵan oqıǵa. Men de ájemniń qolynda óstim, meni tárbıelegen sol kisi. Osy máseleni jiti zerttedim. Mundaǵy basty nárse — ata-ana men balanyń qarym-qatynasy. Ata-ájesiniń qolynda ósken kez kelgen bala óz ata-anasyn „áke“ ne „ana“ dep atamaıdy. Nege olaı? Ár sondaı balanyń ishinde „meni tastap ketken“ degen renish bar. Fılmniń dramatýrgııasy — eski otbasynan aıyrylǵannan keıin áli de jańa otbasy tabý múmkindigi bar ekenin kórermenge jetkizý», — deıdi rejısser.