«Baýyryna salý» fılmi Qazaqstan atynan Oskarǵa usynyldy

<p>ASTANA. KAZINFORM &mdash; Rejısser Ashat Kýchınchırekovtyń &laquo;Baýyryna salý&raquo; fılmi Mádenıet jáne aqparat mınıstrligi men ulttyq kınony qoldaý ortalyǵynyń qoldaýymen túsirilgen. Fılm jaqynda &laquo;Tulpar&raquo; ulttyq syılyǵyn ıelendi jáne Oskar komıtetine International Feature Film nomınatsııasy boıynsha Qazaqstan atynan usynylyp otyr.</p>

Amerıka akademııasynyń daýys berýi úsh kezeńde ótedi.

9-13 jeltoqsan aralyǵynda akademıkter shortlıst jasaqtaıdy, ol 17 jeltoqsanda jarııalanady. Daýys berý 2025 jyldyń 8-12 qańtary aralyǵynda ótedi.

Onyń qorytyndysy boıynsha 17 qańtarda barlyq sanattaǵy nomınanttar belgili bolady. Úshinshi, sońǵy kezeń 11-18 aqpan aralyǵynda ótedi.

Jeńimpazdardyń esimi 2025 jyldyń 2 naýryzynda Los-Anjeleste konvertterdi ashý saltanatynda jarııalanady.

Foto: Mádenıet mınıstrligi

Eger fılm nomınant retinde usynylsa, rejısser shaqyrtý alady. 

«International Feature Film» sanatyndaǵy músinshede memleket pen fılmniń ataýy jáne rejısserdiń esimi kórsetiledi. ‎

Rejısser Ashat Kýchınchırekovtyń týyndysy qazir de halyqaralyq arenada ártúrli kınofestıvalderde júldeger bolyp júr.

Atap aıtsaq, San-Sebastıan kınofestıvalinde premerasy ótip, Qazaqstandaǵy úzdik debıýti úshin «Synshylardyń tańdaýy» syılyǵyn, Asia Pacific Screen Awards (APSA) kınofestıvalinde eń úzdik jastar fılmi syılyǵyn, 22-shi halyqaralyq «Dýh ognıa» kınofestıvaliniń bas júldesin jáne basqa birqatar marapatty ıelendi.

Taıaýda ǵana fılmniń operatory Janarbek Eleýbek XX «Altyn mınbar» Qazan halyqaralyq kınofestıvalinde «Tolyqmetrajdy kórkem fılmdegi úzdik operatorlyq jumys» nomınatsııasyn jeńip aldy. 

Baýyryna salý fılmi ájesiniń qolynda ósken jetkinshektiń oqıǵasyn baıandaıdy.

Ájesi qaıtys bolǵannan keıin ol ata-anasyna oralýǵa jáne ózi bóten sanaıtyn adamdarmen jańa ortada qarym-qatynas qurýǵa májbúr bolady.