Batysqazaqstandyq stýdent respýblıkalyq músháırada top jardy

ORAL. QazAqparat - Aqtóbe qalasynda Ǵazıza Jubanovanyń 90 jyldyǵyna arnalǵan «Jyr jazamyn júregimnen» atty respýblıkalyq músháıra márege jetti, dep habarlaıdy «QazAqparat» tilshisi.

«Rýhanı jańǵyrý» baǵdarlamasy aıasynda Aqtóbe oblysynyń ákimdigi, mádenıet basqarmasy men Saǵı Jıenbaev atyndaǵy oblystyq jasóspirimder kitaphanasy uıymdastyrǵan jyr báıgesine 18-45 jas aralyǵyndaǵy úmitkerler qatysyp, baq synady.

Aqyndar Ertaı Ashyqbaev, Baýyrjan Babajanuly, Erbol Beıilhan qazylyq etken jabyq músháıraǵa úmitkerler óz óleńderin búrkenshek esimmen jiberdi. Saıys qorytyndysynda solardyń jeteýi ǵana júldege ilikti. Astanadan kelgen Aıjan Tábarak bas júldeni (350 myń teńge) jeńip alsa, M.Ótemisov atyndaǵy Batys Qazaqstan memlekettik ýnıversıtetiniń stýdenti Asylaı Nııazbaeva birinshi orynǵa (250 myń teńge) ıe boldy.

«Men ózim Atyraý oblysy Inder aýylynda týyp-óstim. Qazir Oraldaǵy M.Ótemisov atyndaǵy Batys Qazaqstan memlekettik ýnıversıteti fılologııa fakýltetiniń tórtinshi kýrsynda oqımyn. Budan buryn da múshaıralarǵa qatysyp júrmin. Osy jolǵy sapar men tabystyń jóni bólek ári «Jubanovtar álemi» mádenıet ortalyǵynyń ashylý rásimine qatysyp, erekshe áserge bólendik», - dedi «QazAqparat» tilshisine Asylaı Nııazbaeva.