Batysqazaqstandyq shorttrekshi Beıjiń olımpıadasynda baq synaıdy
BQO dene shynyqtyrý jáne sport basqarmasy málim etkenindeı, halyqaralyq dárejedegi sport sheberi Ádil Ǵalıahmetov 1998 jyly Oral qalasynda dúnıege kelgen.
Qaladaǵy №2 orta mektepte bilim alyp, keıin sporttaǵy daryndy balalarǵa arnalǵan mamandandyrylǵan mektep- ınternatta oqýyn jalǵastyrdy.
Elordadaǵy daryndy balalarǵa arnalǵan respýblıkalyq mektep-ınternat-kolledjinde bilim alyp, Batys Qazaqstan ınnovatsııalyq-tehnologııalyq ýnıversıtetin dene tárbıesi
jáne sport mamandyǵy boıynsha bitirdi.
Qazaqstan spartakıadasynyń jeńimpazy, elimizdiń áldeneshe dúrkin chempıony, álem kýbogy kezeńiniń kúmis júldegeri atanyp úlgergen Á.Ǵalıahmetovtiń Beıjińde baryn salatyny anyq.
Belgili maman, Qazaqstannyń eńbek sińirgen jattyqtyrýshysy Mádiǵalı Qarsybekov baptaıtyn QR short-trek quramasynyń múshesi, qazaq jastary arasynda alǵash ret álem kýbogy kezeńiniń jeńimpazy atanǵan Abzal Ájiǵalıev – qazirgi kezde elorda atynan shyǵyp júrgenimen, ol da – Batys Qazaqstan oblysynyń túlegi.
A.Ájiǵalıevtiń habarlaýynsha, Beıjiń olımpıadasyna ózi men Ádilden basqa Qazaqstannan Denıs Nıkısha, Olga Tıhonova jáne ıAna Han joldama aldy.