Batysqazaqstandyq shekarashylar Kárim Másimovtiń atynan medaldarmen marapattaldy

ORAL. QazAqparat - Búgin Oralda QR UQK Shekara qyzmetiniń 25 jyldyǵyna oraı saltanatty jıyn bolyp, sala úzdikteri marapattaldy, dep habarlaıdy «QazAqparat» tilshisi.

Budan shırek ǵasyr buryn, 1992 jyly 18 tamyzda Elbasy Jarlyǵymen QR Shekara áskerleri qurylǵan bolatyn. Qazaqstandyq shekarashylar 15 myń shaqyrymnan asatyn memlekettik shekarany abyroımen kúzetip keledi.

Saltanatty jıynda №2029 bólim komandıri Baýyrjan Rysbekov QR UQK tóraǵasy Kárim Másimovtiń quttyqtaý jedelhatyn oqyp, bir top shekarashylarǵa merekelik medaldardy tabys etti.
 
 

Oblys ákiminiń orynbasary Baǵdat Azbaevtyń atap ótkenindeı, qazirgi tańda shekara qyzmeti osy zamanǵy tehnıka, qural-jabdyqtarmen, bilikti de tájirıbeli mamandarmen qamtamasyz etilgen. Oblysta №2029 áskerı bólimi 2000 jyly 10 qazanda qurylyp, shekarashylar óz mindetin múltiksiz atqarýda. Mysaly, tek ótken jyly ǵana shekara qyzmeti júıesinde 237 quqyqbuzýshylyq tirkelip, 496 adam ákimshilik jaýapkershilikke tartyldy. El aýmaǵynda bolý tártibin buzǵan 384 azamat ustaldy. Memlekettik shekara arqyly 3,7 mln astam adam ótken.  132 zańsyz júk pen taýar, 38 qarý-jaraq pen oq-dári tasymalynyń joly kesildi. Munyń bári shekarashylardyń qyraǵylyǵyn kórsetedi.
 

Shara barysynda sondaı-aq birqatar shekarashylar oblys  ákiminiń, QR UQK BQO boıynsha departamenti basshysynyń alǵyshattaryna ıe boldy.