Batysqazaqstandyq qos oqýshy respýblıkalyq baıqaýdan bas júlde aldy

ORAL. QazAqparat - Aqtóbe qalasynda qazaqtyń aqıyq aqyny Muqaǵalı Maqataevtyń týǵan kúnine oraı uıymdastyrylǵan respýblıkalyq «Muqaǵalı - máńgilik ǵumyr» baıqaýynan Syrym aýdanynan barǵan Aqbota Shırmedın men Arýjan Iosıfova bas júlde aldy,  dep habarlaıdy «QazAqparat» HAA tilshisi.

Aqbotanyń aǵasy, belgili aıtys aqyny Baýyrjan Shırmedınulynyń aıtýynsha, jyr báıgesine Batys Qazaqstan, Atyraý, Mańǵystaý, Qaraǵandy jáne basqa oblystardan jıyrmadan astam balaýsa aqyn qatysqan. 11 jasar Aqbota Shırmedın J.Dosmuhamedov atyndaǵy orta mektepte oqıdy. Aýdandyq balalar shyǵarmashylyǵy ortalyǵy janyndaǵy «Daryn» aqyndar úıirmesiniń múshesi. Óleńdi kishkentaıynan tyńdap ósken Aqbota aǵasy sııaqty aıtys ónerine de nıettenip júr. Atalmysh úıirmege jas aqyn Meıirbek Jampozov jetekshilik etedi. Qos birdeı shákirtiniń bas júldeni ıelenýine onyń qosqan úlesi mol.

 

Aıta keteıik, Oralda oblystyq Muqaǵalı oqýlary da márege jetti. Onda jeńimpaz atanǵan daryndy balalarǵa arnalǵan mamandandyrylǵan S.Seıfýllın atyndaǵy №11 oblystyq mektep-ınternaty kesheniniń 10-synyp oqýshysy Aıarý Bolatova aldaǵy naýryz aıynda ótetin baıqaýdyń respýblıkalyq kezeńine joldama aldy.