Batysqazaqstandyq karateshi álem kýbogynyń ıegeri atandy

ORAL. QazAqparat - Bolgarııanyń Kamchııa qalasynda karate kıokýshınkaı KWU-dan álem kýbogy jarysynda Qazaqstan quramasy tabysty óner kórsetti, dep habarlaıdy QazAqparat tilshisi.

Ulttyq respýblıkalyq kıokýshınkaı-kan karate federatsııasy BQO fılıalynyń dırektory Solongo Ishannyń málim etkenindeı, aıtýly dodaǵa túrli federatsııalardan (KAN, SHIN, IFK, KWF) álemniń 32 elinen 600-den astam sportshy qatysyp, baq synady.

El quramasy sapynda Batys Qazaqstan oblysynan tórt sportshy baryp, bári de júldege ilikti. Ásirese, 16-17 jas arasynda 55 kg salmaqta synǵa túsken Nurgúl Saparova tórt jekpe-jeginde de jeńiske jetip, chempıon atandy.

Uzaqqa sozylǵan sońǵy básekede reseılik álem chempıonyna jol bergen Elnara Toǵyzbaeva kúmis júldege ıe boldy. Al Shaınur Sadyqov pen Gúlzııa Ómirzaqova úshinshi orynǵa kóterildi.

Jalpykomandalyq esepte Qazaqstan quramasy 9 altyn, 17 kúmis jáne 23 qola medalmen ekinshi oryndy enshiledi. Sonyń ishinde Ulttyq respýblıkalyq kıokýshınkaı-kan karate federatsııasynan barǵan N.Saparovaǵa qosa Aıbek Amanov, Temirlan Jánibek, Mádına Saýytova jáne Aleksandr Tronıagın altyn medaldi jeńip aldy.