Batys pen shyǵystyń arasyn baılanystyrýshy býyn bolýymyz kerek – QR Prezıdent
«Bizdiń elimiz ıslam, konfýtsıandyq jáne shyǵys-hrıstıandyq órkenıettiń qıylysynda ornalasqan. Sonymen birge, Shyǵyspen ári Bastyspen bizdi tereń tarıhı, dildik ári ekonomıkalyq dánekerlik baılanystyryp tur. Biz saıası ári órkenıettik ólshemderde batys pen shyǵystyń arasyndaǵy baılanystyrýshy býyn fýnktsııasyn oryndaýǵa umtylamyz», - dedi Prezıdent «Mır» telearnasyna bergen suhbatynda.
Sonymen qatar Qasym-Jomart Toqaev elimiz mańyzdy kóliktik-kommýnıkatsııalyq jobalarǵa qatysyp kele jatqanyn atap ótti.
«Ózderińiz bilesizder, Qazaqstan birqatar bedeldi eýrazııalyq qurylymdardyń belsendi qatysýshysy bolyp otyr. Onyń ishinde Shanhaı yntymaqtastyq uıymy, EQYU jáne Azııadaǵy ózara is-qımyl jáne senim sharalary jónindegi keńes bar. Árbir úsh jylda Qazaqstanda Álemdik jáne dástúrli dinder kóshbasshylarynyń sezi ótedi. Biz ózimizdi Eýropa men Azııa arasyndaǵy tranzıttik saýda kópiri retinde parasatty túrde tuǵyrlandyrdyq. Qazaqstan únemi qos kontınentti baılanystyratyn kóliktik-kommýnıkatsııalyq jobalar aıasynda mańyzdy býyn bolýǵa umtylady. Osyǵan mádenı jáne tarıhı mańyzdaǵy quramdaýyshty qosa atap ótken jón», - dedi Memleket basshysy.