«Batys» óńirlik qolbasshylyǵyna 500-den asa áskerı qyzmetshi keldi

ASTANA. QazAqparat - Elimizdiń áskerı bólimderi men «Batys» óńirlik qolbasshylyǵynyń qatary 2018 jyldyń kúzinde ásker qataryna shaqyrylǵan jas sarbazdarmen tolyqty. Qazir jalpyǵa birdeı áskerı daıyndyq kýrsy ótip jatyr, dep habarlaıdy QazAqparat vedomstvonyń baspasóz qyzmetine silteme jasap.

Bıylǵy jyly «Batys» óńirlik qolbasshylyǵynyń bólimshelerine elimizdiń barlyq óńirlerinen 500-den astam áskerı qyzmetkerler kelip qosyldy. Sabaqtar barysynda áskerge jańa kelgen sarbazdar áskerı daıyndyq negizderin oqyp úırenip, tıisti áskerı bilim alyp, kúndelikti qyzmet barysynda atqyralatyn jumystar boıynsha tájirıbe jınaqtap júr.

Jas sarbazdarda áskerı jaǵdaıǵa beıimdeý jumystaryna tájirıbeli sardarlar men serjanttar basshylyq jasaıdy. Jastardy úıretý jumystary barysynda ásirese olardyń bilim deńgeıleri men belgili bir sala boıynsha biliktilikterine, áskerı qabiletteri men minez-qulqyna, ár azamattyń jeke boıyndaǵy erekshelikterine kóńil bólinedi.

Jalpyǵa birdeı áskerı daıyndyq sharalarynan soń sarbazdar ant qabyldaıdy.

Aıta keteıik, bıylǵy jyldyń kúzinde Qarýly Kúshter men ózge de áskerlerge jáne QR áskerı qurylymdaryna 1992-2000 jyldar aralyǵynda týǵan 17 myńnan astam jastardy shaqyrtý josparlanyp otyr.