Batys maıdanda shaıqasyp, joǵalyp ketken 99 qazaqstandyq sarbaz tabyldy

TALDYQORǴAN. QazAqparat - Peterbýrgtegi ujymdyq qaýipsizdik Sharty músheleriniń otyrysynda qazaqstandyq delegatsııaǵa qýanyshty habar aıtyldy. Buryn esimderi belgisiz bolǵan, iz-tússiz joǵalyp ketken ondaǵan qazaqstandyq sarbazdar tabyldy. Endi olardyń attary qaıta jańǵyrmaq.

Bul týraly Almaty oblysy Іle aýdany Boraldaı aýlyndaǵy saıabaqta «Qara qyzǵaldaq» atty eskertkishtiń ashylýynda QR Parlamenti Májilisiniń depýtaty Kamal Burhanov málim etti.

Onyń aıtýynsha, peterbýrgtik iz kesýshiler Batys maıdanda jaýmen shaıqasqan, biraq osy kúnge deıin iz-tússiz joǵalǵandar qatarynda júrgen 99 qazaqstandyq sarbazdy izdep tapty. Kóp uzamaı olardyń esimderi «Aıqyn» gazetinde jarııalanady. «Ár eldiń órkenıettiligi ardagerlerine degen qarym-qatynaspen ólshenedi. Búgin biz de mıllıondaǵan adamnyń ómirin qıǵan qanquıly soǵysta jan aıamaı soǵysqan maıdangerlerdiń aldynda basymyzdy ıemiz. Ol soǵysty biz eshqashan umytpaımyz», - dep atap ótti K. Burhanov. Mıtıngte arnaıy bólimshelerdiń jaýyngerleri óz ónerlerin kórsetti. Otshashýlar atylyp, eskertkishke gúl qoıyldy.