Batys Qazaqstanda «Jasyl el» jastar jasaqtary jumysqa kiristi
Oral qalasyndaǵy Derkól kentiniń mádenı-demalys saıabaǵynda ótken «Jasyl el» jasaqtarynyń HІH eńbek maýsymynyń ashylý saltanatyna oblys ákimi Narıman Tóreǵalıev pen joǵary oqý oryndarynyń jáne mekeme basshylary, belsendi jastar men volonterlar qatysty.
Onda óńir basshysynyń atap ótkenindeı, jastarǵa qoldaý kórsetý – memlekettik saıasattyń mańyzdy baǵyttarynyń biri. Jastardyń kóp bóligin memlekettik qoldaý sharalarymen qamtý úshin olardyń jasy 35 jasqa deıin ulǵaıtyldy.
Búginde jastar oblys halqynyń 19 paıyzyn qurap otyr (BQO-da 14 pen 35 jas aralyǵyndaǵy 180 153 jas bar: qalada – 92 274, aýylda – 87 906).
«Mektep, kolledj, ýnıversıtet adamnyń tanym-kókjıeginiń, biliminiń irgetasyn qalap, belgili bir mamandyq ıesi bolýyna septigin tıgizedi. Bul jastardyń bolashaqta qyzmet etip, mansabyn qurýyna múmkindik jasaıdy. Osy shaqtan bastap jastardyń eńbekke aralasýy da zańdy qubylys. Bul baǵytta jastardyń eńbek jasaqtarynyń úlesi zor. Batys Qazaqstan oblysynda «Jasyl el» jobasy 2007 jyldan júzege asyrylyp keledi. Jyl saıyn oblystyq bıýdjetten «Jasyl el» stýdenttik qurylys jasaqtary shtabyn uıymdastyrýǵa, jastardyń eńbekaqysyn qamtamasyz etýge qarjy bólinýde», dedi N.Tóreǵalıev.
Bıyl oblys boıynsha «Jasyl el» jobasy aıasynda 1175, qurylys jasaqtaryna 500 jasty tartý josparlanyp otyr.
Maýsymdyq jumyspen 16-35 jas aralyǵyndaǵy jumyssyzdar, stýdentter men NEET canatyndaǵy jastar qamtylmaq. «Jasyl el» jastar eńbek jasaqtarymen maýsymdyq jumystar Oral qalasy men 12 aýdanda maýsym-qarasha aılary aralyǵynda júzege asyrylady. Sarbazdar arnaıy ekıpırovkamen, qural-jabdyqtarmen tolyq qamtylady.
«Jasyl el» jobasy aıasynda eldi mekenderdi abattandyrý, ekologııalyq aktsııalardy, senbilikterdi uıymdastyrý jáne ótkizý, ózen arnalaryn tazartý, aǵash otyrǵyzý, ekologııalyq qoǵamdastyqtar qurý jáne basqa jumystar atqarylatyn bolady.
Jalpy, bıylǵy jyly jastardy qoldaý, olardyń bastamalaryn júzege asyrý baǵytynda birqatar keshendi sharalar josparlanyp, jastar saıasatyn iske asyrý úshin kólemdi qarajat bólindi.
Aıta keteıik, 15 jyldan astam tarıhy bar «Jasyl el» baǵdarlamasy – jastar saıasaty salasyndaǵy negizgi qozǵalystardyń biri. Búgingi tańda óńirde 25 myńnan astam jas atalmysh qozǵalys múshesi bolyp, merzimdi jumyspen qamtyldy.