Batys Qazaqstanda «Týrıstik marafon» jobasy júzege asyrylmaq
«Rýhanı jańǵyrý» óńirlik jobalyq keńsesiniń jetekshisi Saltanat Tumanbaevanyń aıtýynsha, ótken jyly 6 arnaıy joba, 4 kishi baǵdarlama jáne 12 bazalyq baǵyttar boıynsha jumystar júrgizilse, bıyl taǵy da kishi baǵdarlamalar qosylmaqshy. 2017 jyly 143 sharany ótkizýge metsenattar qarjysy esebinen 2 mlrd 377 mln teńge jumsalsa, bıylǵa 174 shara josparlanyp otyr.
Jobalyq keńseniń ákimgeri Muhtar Dáýletjanovtyń sózine qaraǵanda, bıyldan bastap júzege asyrylatyn «Týrıstik marafon» jobasy aıasynda 87 myń bala ólketanýmen qamtylmaq. ıAǵnı olar eki jyldyń ishinde óz aýylynyń, aýdany men oblysynyń kórikti jerlerin aralap, oǵan qosa Qazaqstannyń kıeli oryndaryna sapar shegedi. Óıtkeni qazaqstandyq patrıotızmniń negizi týǵan jerge degen súıispenshilik arqyly qalyptasady.
2017 jyldyń aıaǵynda Oralda oblystyq «Jomart júrek baıqaýy qorytyndylanyp, 22 metsenat týǵan aýyldaryn damytýǵa qosqan úlesteri úshin túrli atalymdarmen marapattaldy. Osy demeýshilerdiń kúshimen 2018 jyly óńirde jalpy quny 1 mlrd 513 mln teńgeni quraıtyn 247 jobany júzege asyrý kózdelýde. Sonyń biri - Shyńǵyrlaý aýdanyndaǵy Shyńǵyrlaý ózeninde avtokólik ótetin kópir (quny - 7 mln teńge) paıdalanýǵa berildi.
2018 jyly «Atameken» kishi baǵdarlamasy aıasynda dástúrge aınalǵan jobalarmen qatar jańa, tyń bastamalar qolǵa alynbaq. Olardyń ishinen «Zamanaýı dárister», «Meıirimdi kóktem» aktsııasy, «Bastaý» kovorkıng ortalyǵy, «Elim meniń» jastar koalıtsııasynyń qyzmeti, «Gúldene ber, týǵan el» jáne «Taza qala» sharalaryn erekshe atap ótýge bolady.
Keńse menedjeri Gúlsim Ýsaǵalıevanyń málim etkenindeı, «Qasıetti Qazaqstan» baǵyty boıynsha da jumystar jalǵasatyn bolady. Buǵan deıin Syrym aýdanyndaǵy Alashorda mýzeıine kúrdeli jóndeý júrgizilip, jalpy quny 22,914 mln teńgege ekspozıtsııalar tolyq jańartylǵan edi. Endi bıyl demeýshiler qarjysy esebinen Jánibek aýdanynda Ǵumar Qarashqa 8 mln teńgege kesene turǵyzylmaq. Budan bólek jyl ishinde kóptegen keshendi is-sharalar qolǵa alynyp, ǵylymı-zertteý baǵytyndaǵy ekspedıtsııalar uıymdastyrylyp, ınfraqurylym jasaqtalady.
Taǵy bir aıta ketetin jaıt, ulttyq kodty nasıhattaý maqsatynda oblys mektepterinde dombyra sabaqtary berilýde. Bıylǵy mamyr aıynyń ekinshi onkúndiginde Oral qalasyndaǵy basty alańda uly kúıshi Qurmanǵazynyń shyǵarmasyn bir mezgilde kóp dombyrashylardyń oryndaýy boıynsha fleshmob ótpekshi.