Batys Qazaqstanda «Týǵan jerim» shyǵarmalar baıqaýy jarııalandy
Sharany uıymdastyryp otyrǵan «Jas Otan» JQ BQO fılıalynyń ókilderi málim etkenindeı, baıqaý 5 qyrkúıek pen 25 qazan aralyǵynda barlyq bilim berý mekemeleri 5-11 synyp oqýshylarynyń qatysýymen ótetin bolady. Baıqaýdy arnaıy konkýrstyq komıssııa baǵalaıdy. Komıssııa quramynda «Jas Otan» JQ ókilderi, bilim basqarmasynyń qyzmetkerleri, barlyq deńgeıdegi maslıhat depýtattary, aımaqtyń qoǵam qaıratkerleri men belgili jazýshylar, jýrnalıster, partııanyń bastaýysh uıymdarynyń tóraǵalary, mektep ustazdary, joǵary oqý oryndary jáne kolledj oqytýshylary bolady.
Shyǵarmalar "Shaǵyn Otan neden bastalady?", "Týǵan ólke batyrlary", "Týǵan ólke bolashaǵy jaıly armanym", "Týǵan ólke ıgiligi" atalymdary boıynsha qabyldanady. Shyǵarmalar jas erekshelikterine baılanysty úsh sanatqa (5-6, 7-9, 10-11 synyptar) jáne qazaq tilinde nemese orys tilinde jazylǵan shyǵarmalar dep bólek qaralady. Aıta ketetin jaǵdaı, shyǵarmany jeke adam oryndaýy tıis. Ujymdyq jumystar qabyldanbaıdy. Baıqaý jumystary elektrondy túrde qabyldanady (jumys kólemi - A4 formatty 2-4 bet, shrıft - Times New Roman, shrıft ólshemi - 14, jolaralyq ınterval - 1,0). Baıqaý jumystary elektrondy túrde bko2@zhasotan.kz nemese zhasotanbko@mail.ru elektrondy adresteri boıynsha qabyldanatyn bolady. Sonymen qatar, baıqaý qatysýshylary jumysymen qatar qysqasha ómirbaıanyn, baspa jáne elektrondy formatta 3h4 sýret, meken-jaıyn jáne telefon nómiri jiberýi kerek. Baıqaý qorytyndysy 2017 jyldyń 30 qarasha kúni Qazaqstan Respýblıkasy Tuńǵysh Prezıdenti kúni qarsańynda jarııalanatyn bolady. Jeńimpazdar «Nur Otan» partııasy BQO fılıalynyń gramotalary, dıplomdary men estelik syılyqtarymen marapattalady. Sonymen qatar birinshi oryn alǵan shyǵarma partııanyń ortalyq apparatynyń qoldaýymen shyǵarylatyn eń úzdik shyǵarmalar jınaǵyna enetin bolady.