Batys Qazaqstanda sońǵy tórt kúnde 370 adamnan koronavırýs tabyldy

ORAL. QazAqparat – Batys Qazaqstan oblysynda 9-12 qyrkúıek aralyǵynda 370 adamnan koronavırýs tabyldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti málim etkenindeı, solardyń 250-inde aýrý belgileri bolsa, 120-sy – sımptomy joqtar.

Sondaı-aq 204-inen JRVI belgileri boıynsha tekserilgen kezde kovıd anyqtaldy. 77-si buryn aýyrǵandarmen baılanysta bolsa, 84-i profılaktıkalyq maqsatta qaralǵan. Bes adamnan epıdemıologııalyq qadaǵalaý baǵytynda synama alynǵan.

Aýyrǵandardyń 134-i Oral qalasynda, 40-y Báıterek, 38-i Bórli, 28-i Shyńǵyrlaý, 26-sy Tasqala men Aqjaıyq, 23-i Terekti aýdandarynda tirkeldi.

Departament málimetine qaraǵanda, pandemııa bastalǵannan beri 36 200 adam indetke shaldyǵyp, 28 228-i jazylyp shyqty. 713 naýqas kóz jumdy.

Jalpy syrqattanǵandardyń 18 272-si Oral qalasy, 4781-i Báıterek, 4422-si Bórli, 1643-i Terekti, 1313-i Aqjaıyq, 1054-i Kaztalov, 1044-i Shyńǵyrlaý aýdanynyń úlesine tıedi.

Eske sala keteıik, budan buryn Batys Qazaqstanda bir kúnde myńǵa jýyq adamnyń koronavırýs ekpesin saldyrǵanyn jazǵan bolatynbyz.