Batys Qazaqstanda sońǵy tórt kúnde 300-den astam adam koronavırýs juqtyrdy
BQO sanıtarlyq-epıdemıologııalyq baqylaý departamentinen túsken málimetke qaraǵanda, sonyń 170-inde aýrý belgileri baıqalsa, 134-iniń sımptomy bolmady.
Aýyrǵandardyń 144-i JRVI belgileri boıynsha medıtsınalyq kómekke júgingen kezde anyqtalsa, 106-sy – naýqastarmen baılanysta bolǵandar. Oǵan qosa 44 adamnan profılaktıkalyq maqsatta tekserilgende, 10-ynan statsıonarǵa jatqyzylar aldynda belgili bolǵan.
Іndet juqtyrǵandardyń basym bóligi nemese 238-i Oral qalasynyń úlesine tıedi. Sondaı-aq Bórli aýdanynda tórt kúnde 28, Báıterekte 22 adamnan indet tabyldy.
Qazirgi kezde «qyzyl» aımaqqta turǵan oblysta osy kezge deıin barlyǵy 14549 adam juqpaly derttiń tyrnaǵyna ilikse, sonyń 11869-y jazylyp shyqty. 230-y ómirden ótti.
Epıdemıolog mamandardyń sózine qaraǵanda, aýyrǵandardyń sany meıram kúnderi kúrt kóbeıgen. Bul jasyryn túrde toı, sadaqa sekildi kópshilik is-shara jasaýshylardyń tyıylmaı otyrǵanyn kórsetedi.
Eske sala keteıik, BQO-da koronavırýs juqtyrǵandar aýrýhanaǵa aýyr halde túsip jatqanyn jazǵan bolatynbyz.