Batys Qazaqstanda sońǵy aptada koronavırýstan 18 adam kóz jumdy

ORAL. QazAqparat – Batys Qazaqstan oblysynda sońǵy aptada (7-14 qyrkúıek) 18 adam koronavırýstan kóz jumdy, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, óńirde indetten barlyǵy 714 adam ómirden ótti.

Pandemııa bastalǵannan beri tirkelgen 36 231 naýqastyń 28 357-si jazylyp shyqty.

Sońǵy aptada aldyńǵymen salystyrǵanda, indet juqtyrý kórsetkishi 11,6 paıyzǵa (80 adamǵa) azaıdy.

Jyl basynan beri 27 010 adamnan koronavırýs tabylsa, sonyń 2326-sy balalar bolyp otyr. Qazirgi tańda balalardyń 2226-sy jazylyp shyǵyp, 100-i ázirge saýyǵa qoıǵan joq.

Basqarma málimetine qaraǵanda, kúni búgin 1208 naýqas ambýlatorlyq em alýda.

Oblys boıynsha 1063 tósektik 19 ınfektsııalyq statsıonarda 446 adam jatyr. Sonyń ishinde qaladaǵy 615 tósektik 7 statsıonarda 358 naýqas emdelýde. 96 tósektik jansaqtaý bólimshesinde jatqan 40 naýqastyń 36-synyń jaǵdaıy aýyr.

Óńirde 212 325 adam (egilýge tıisti turǵyndardyń 58,9 paıyzy) vaktsınanyń birinshi, 180 678-i (50,1 paıyz) ekinshi komponentin qabyldady.

Eske sala keteıik, budan buryn Batys Qazaqstanda indetke qarsy vaktsına saldyrǵandar sany 211 myńnan asqanyn, jyl basynan beri 2300-den astam balanyń koronavırýs juqtyrǵanyn jazǵan bolatynbyz.