Batys Qazaqstanda sońǵy aptada koronavırýs juqtyrý kórsetkishi 8% tómendedi

ORAL. QazAqparat – Batys Qazaqstan oblysynda sońǵy aptada aldyńǵymen salystyrǵanda koronavırýs juqtyrý kórsetkishi 8 paıyzǵa (79-ǵa) azaıdy, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, sońǵy táýlikte 108 adamnan indet tabylsa, 44 naýqas jazylyp shyqty.

Іndet bastalǵaly 20577 adam (11956-sy – aýrý belgisi barlar, 8622-si – sımptomy joqtar) tirkelip, sonyń 15937-si saýyǵyp shyqty. 294 naýqas kóz jumdy.

Jyl basynan beri 11356 adamnan anyqtalsa, sonyń 58 paıyzy (6589-y) Oral qalasy, 12,7 paıyzy (1447-si) Báıterek, 10,9 paıyzy (1242-si) Bórli aýdanynyń úlesine tıedi.

Basqarma málimetine qaraǵanda, oblysta 18 ınfektsııalyq statsıonar 47,1 paıyzǵa tolǵan (1123 orynda 529 naýqas jatyr).

Sonyń ishinde qalada 600 tósektik 5 aýrýhanada 436 adam (72,6 paıyz) emdelýde. 72 tósektik jansaqtaý bólimshesinde 31 naýqas (43,1 paıyz) jatyr.

«Óńirde turǵyndardy koronavırýsqa qarsy egý jumystary jalǵasýda. Búgin Oral qalasyndaǵy «Máskeý» bazary aýmaǵynda da egý kabıneti ashyldy», dep habarlady vedomstvodan.

Eske sala keteıik, budan buryn Batys Qazaqstanda KVI juqtyrǵandardyń 60 paıyzǵa jýyǵy Oral turǵyndary ekendigin jazǵan bolatynbyz.