Batys Qazaqstanda sońǵy aptada koronavırýs juqtyrý kórsetkishi 8,4 paıyzǵa tómendedi

ORAL. QazAqparat – Batys Qazaqstan oblysynda sońǵy aptada aldyńǵymen salystyrǵanda, koronavırýs juqtyrý kórsetkishi 8,4 paıyzǵa (26 naýqasqa) tómendedi, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, sońǵy táýlikte 49 adamnan indet tabylsa, sonyń 32-si – aýrý belgisi barlar, 17-si – sımptomy joqtar.

Ótken táýlikte 197 adam jazylyp shyqty.

Pandemııa bastalǵannan beri barlyǵy 39 017 naýqas tirkeldi.

Bıyl 29 796 adamnan indet tabylsa, sonyń 650-i ómirden ótti.

Qazirgi kezde 422 adam ambýlatorlyq em alýda.

Emhanalar janynda 132 jedel brıgadalar jumys jasaýda, olar táýligine 700-den astam shaqyrtýǵa shyǵady.

Óńirde 871 tósektik 16 ınfektsııalyq statsıonarda 169 naýqas emdelip jatsa, sonyń 135-i Oral qalasyndaǵy aýrýhanalarda. Jansaqtaý bólimshesindegi 17 naýqas aýyr halde.

Jyl basynan beri aýyrǵan 2904 balanyń 2840-y jazylyp shyqty. 64-i emdelý ústinde. Tórtinshi toqsanda 785 oqýshydan koronavırýs anyqtaldy.

Basqarma málimetine qaraǵanda, kúni búginge deıin 238 466 adam vaktsınanyń birinshi, 217 144-i ekinshi komponentimen egildi. Oblys boıynsha barlyǵy 414 389 adam ekpeden ótýi tıis. Oral qalasynda 224 092 turǵynnyń 123 109-y birinshi komponentti qabyldady.

Eske sala keteıik, budan buryn BQO-da 238 myńǵa jýyq adamnyń koronavırýsqa qarsy ekpe saldyrǵanyn jazǵan bolatynbyz.