Batys Qazaqstanda sońǵy aptada koronavırýs juqtyrǵandar sany 74 paıyzǵa ósti

ORAL. QazAqparat – Batys Qazaqstan oblysynda sońǵy aptada koronavırýs juqtyrǵandar sany 74 paıyzǵa ósti. Bul týraly BQO sanıtarlyq-epıdemıologııalyq baqylaýdepartamentiniń basshysy Muhamǵalı Aryspaev málim etti, dep habarlaıdy QazAqparat tilshisi.

Onyń aıtýynsha, 28 jeltoqsan – 3 qańtar aralyǵynda oblysta 43 naýqas tirkelse, 4-10 qańtarda 168-ge jetti.

«Іndet tabylǵandardyń 74 paıyzy Oral qalasynyń úlesine tıedi. Sondaı-aq Báıterek, Bórli aýdandary turǵyndary arasynda koronavırýs kóbirek anyqtalyp otyr. Oblys qazir «sary» aımaqta tur. Eger aýrýshańdyq deńgeıi ósetin bolsa, elimizdiń bas memlekettik sanıtar dárigeriniń qaýlysyna sáıkes shekteý sharalaryn kúsheıtýge týra keledi», dedi M.Aryspaev.

Departament basshysy óńirde vaktsına qory jetkilikti ekendigin, indetten qutylýdyń jalǵyz joly turǵyndardyń ýaqtyly ekpe alyp, sanıtarlyq talaptardy buljytpaı

saqtaýy kerektigin atap ótti.

Eske sala keteıik, budan buryn Batys Qazaqstanda 60-qa jýyq naýqastyń statsıonarlarda emdelip jatyrǵanyn jazǵan bolatynbyz.