Batys Qazaqstanda sońǵy aptada koronavırýs juqtyrǵandar sany 41% ósti

ORAL. QazAqparat – Batys Qazaqstan oblysynda sońǵy aptada aldyńǵymen salystyrǵanda, koronavırýs juqtyrǵandar sany 41,4 paıyzǵa (477 naýqasqa) ósti, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, qazirgi tańda óńirde 1323 tósektik 19 ınfektsııalyq statsıonar 51,1 paıyzǵa tolyp, olarda 676 adam emdelýde.

Sonyń ishinde Oral qalasynda 800 tósektik 6 statsıonarda 537 naýqas (67,1 paıyz) em qabyldaýda.

Aýrýhanalarda 86 tósektik jansaqtaý bólimshelerinde 53 naýqas (61,6 paıyz) jatyr.

Oblys boıynsha 1244 tósek-oryn (479-y ınfektsııalyq, 765-i karantındik) rezerv retinde ázirlendi.

Jyl basynan beri 16791 adam aýyrsa, sonyń 54 paıyzy (9049) Oral qalasynda, 14 paıyzy (2442) Báıterek, 12 paıyzy (1952) Bórli aýdanynda tirkelgen.

Sońǵy táýlikte 189 adamnan indet tabyldy.

Eske sala keteıik, budan buryn Batys Qazaqstanda ınfektsııalyq statsıonarda jatqandar sany 550-den asqanyn jazǵan bolatynbyz.