Batys Qazaqstanda sońǵy aptada 6 adam koronavırýstan kóz jumdy

ORAL. QazAqparat – Batys Qazaqstan oblysynda sońǵy aptada 6 adam koronavırýstan kóz jumdy, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, pandemııa bastalǵannan beri barlyǵy 829 adam ómirden ozsa, sonyń ishinde bıyl 660-y qaıtys boldy.

Atap aıtqanda, qańtarda – 28, aqpanda – 15, naýryzda – 30, sáýirde – 41, mamyrda – 57, maýsymda – 60, shildede – 144, tamyzda – 139, qyrkúıekte – 90, qazanda – 46, qarashada 10

naýqas dúnıe saldy.

Basqarma málimetine qaraǵanda, indet bastalǵannan beri óńirde 39 411 naýqas tirkelip, sonyń 36 169-y jazylyp shyqty.

Sońǵy aptada aldyńǵymen salystyrǵanda, aýrý juqtyrý kórsetkishi 22 paıyzǵa (56 naýqasqa) kemidi.

Jyl basynan beri 30 190 adam koronavırýs juqtyrsa, sonyń 2962-si – balalar. Solardyń 2930-y emdelip shyqsa, 32-si saýyǵý ústinde.

Oqý jyly bastalǵannan beri 843 oqýshydan indet tabyldy. Qazirgi kezde 1 mektepte 1 synyp karantınge jabyldy.

Oblystaǵy iri kásiporyndar ishinen Qarashyǵanaq kenishin ıgerip jatqan «QPO b.v.» kompanııasynan jyl basynan beri 273, Chınarev kenishindegi «Jaıyqmunaı» JShS-dan 66 jumysshy-qyzmetkerden koronavırýs anyqtaldy.

Kúni búgin oblysta 458 patsıent ambýlatorlyq, 138 naýqas statsıonarlyq em alyp jatyr. Sonyń ishinde 11-i aýyr halde.

Invazıvti emes jasandy tynys alý apparatyna 8, ottegi

kontsentratoryna 3 naýqas qosylǵan.

«Oblys boıynsha 243 559 adam (egilýge tıisti turǵyndardy 58,8 paıyzy) vaktsınanyń birinshi, 223 313-i (53,9 paıyzy) ekinshi komponentimen egildi. Kúni búgin óńirde 85 021 doza І,

105 267 doza ІІ komponent bar», dep habarlady vedomstvodan.

Eske sala keteıik , budan buryn Batys Qazaqstanda Pfizer vaktsınasymen egiletinderdiń tizimi jasalǵanyn jazǵan bolatynbyz.