Batys Qazaqstanda shalǵaıdaǵy 70 eldi meken mobıldi ınternetpen qamtylmaq
Oblys ákimi Ǵalı Esqalıevtiń Ortalyq kommýnıkatsııalar qyzmeti alańynda ótken brıfıngide málim etkenindeı, kóptegen IT-sheshimderdi jergilikti kompanııalar júzege asyryp keledi.
Bıyl 3G/4G tehnologııasynyń kómegimen turǵyndar sany 250 adamnan asatyn aýyldyq eldi mekenderge mobıldi ınternet júrgizý jobasy qolǵa alyndy. Osy jobamen jyl sońyna deıin 70 aýylǵa ınternet jetkizý kózdelýde.
Memleket basshysynyń «adamdar emes, derekter «júgirýi» kerektigin» atap ótkeni belgili. Shynynda da tsıfrlandyrý memlekettik qyzmet alýdy jeńildetip, qaǵazbastylyqty joıady.
Aıtalyq, bıylǵy toǵyz aıda elektrondy memqyzmet sany 80 paıyzǵa deıin ósti. Ótken jyly memlekettik qyzmetterdiń 70 paıyzy elektrondy túrde kórsetildi.
«Tsıfrly Qazaqstan» memlekettik baǵdarlamasy aıasynda geoaqparattyq portal engizilýde, tótenshe jaǵdaı kezinde qysqa merzimde stopcovid.kz saıty iske qosyldy. Komek109 Uralsk call-ortalyǵy bizge jaqsy kómektesti. 112 call-ortalyǵy, turǵyn úı-kommýnaldyq sharýashylyq salasynda jumystyń oryndalýyn baqylaý júıesi, «SmartUralsk» mobıldi qosymshasy jumys jasap tur», dedi Ǵ.Esqalıev.
Eske sala keteıik, budan buryn BQO-da paıdalanylmaı jatqan 909,8 myń gektar aýyl sharýashylyǵy jeri anyqtalǵanyn, ónerkásip óniminiń kólemi 1,4 trln teńgege jetkenin, Oralda «Aqjaıyq» shaǵynaýdanynda aldaǵy jyly turǵyn úı salý bastalatynyn jazǵan bolatynbyz.
Sondaı-aq oblys ákimi «sary qyzdyń» elesine baılanysty túsinik berdi.