ORAL. QazAqparat – BQO bas memlekettik sanıtar dárigeri Muhamǵalı Aryspaevtyń jańa qaýlysy shyqty, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, qaýly 24 qarashadan bastap kúshine enedi.
Qaýlyǵa sáıkes oblystaǵy sanıtarlyq posttar alynady.
Sondaı-aq senbi kúnderi saýda úıleri, jabyq bazarlar ashyq bolady, qoǵamdyq kólikter júredi. Al ashyq bazarlar jeksenbi kúni de jumys isteıdi.
Esesine jeksenbi jáne mereke kúnderi saýda úıleri men ortalyqtary (býtıkter, pavılondar), onda ornalasqan azyq-túlik sýpermarketteri men dárihanalardy qospaǵanda, jabyq bazarlar jumys istemeıdi. Sol sekildi qoǵamdyq kólikter de bul kúnderi toqtatylady.
Oblys kóleminde basqa da shekteýler saqtalady.
Eske sala keteıik, budan buryn Batys Qazaqstanda sanıtarlyq postar qoıylatynyn, koronavırýsty emdeýge qajetti qural-jabdyqtardyń jetkilikti ekendigin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).