Batys Qazaqstanda otandyq óndirýshi aıyna 1,2 mln maska shyǵarmaqshy

ORAL. QazAqparat – Batys Qazaqstan oblysynda otandyq óndirýshi aıyna 1,2 mln dana maska shyǵarmaqshy, dep habarlaıdy QazAqparat tilshisi.

BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindeı, «KAZMEDKOM» JShS jeke qorǵanys quraldaryn, sonyń ishinde birrettik medıtsınalyq maska óndirýdi qolǵa almaq.

Qazirgi tańda otandyq óndirýshi «Dárilik zattarǵa saraptama júrgizý ulttyq ortalyǵy» RMK-ǵa jeke qorǵanys quraldary QR memlekettik tizilimine tirkelý úshin ótinim berip, birinshi kezeńinen ótti.

Memlekettik tirkeýden ótip, jeke qorǵanys quraldarynyń qaýipsizdigi men sapasyn baǵalaý qorytyndysyn alǵannan keıin atalǵan seriktestik iske kirispekshi. Sóıtip óńir turǵyndaryn jeke qorǵanys quraldarymen qamtamasyz ete alady.

Departamenttiń málimdeýinshe, oblysta dári-dármek jetkilikti.

Kúni búgin «KFK «Medservıs plıýs», «Talap», «Amanat» jáne «Amity International» JShS kóterme saýda qoımalarynda eki aıǵa jetetin dári-dármek qory bar.

Oblys ákimdigi turaqtandyrý qoryn quryp, 4 aıǵa 92 mln teńgege dári-dármek qorynyń rezervi jasaqtaldy. «Aqjaiyq» ÁKK« UK» AQ men «Іńkár» JShS iri dıstrıbıýterlik kompanııasy arasynda 25 dári-dármek túrine kelisim jasaldy. Aqtóbedegi «Іńkár» JShS dárihana qoımasynan 91 mıllıon 15 myń teńgeniń dári-dármekteri keldi.

Sondaı-aq BQO ákimdigi «SQ-Farmatsııa» JShS-na 8 dári-dármek ataýy boıynsha 16 mln teńgege ótinim berdi.

«Aqjaiyq» ÁKK« UK» AQ-da 1 mln 820 myń dana birrettik maska rezervi bar.

Eske sala keteıik, budan buryn BQO-da janazaǵa barǵan aýyl muǵaliminen koronavırýs tabylǵanyn jazǵan edik.