Batys Qazaqstanda órtengen eki úıden 3 gaz ballony shyǵaryldy

ORAL. QazAqparat - Batys Qazaqstan oblysynda órtengen eki úıden úsh gaz ballony shyǵaryldy, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa búgin saǵat 10.17-de Báıterek aýdany «Berezka» saıajaı qoǵamdastyǵynda boldy.

Áýeli 64 jastaǵy er adamǵa tıesili vagon men turǵyn úı otqa orandy. 50 sharshy metrdi sharpyǵan órt budan keıin kórshi turǵan, aýmaǵy 100 sharshy metr úıge (ıesi 1945 jylǵy er adam) aýysqan. Budan órt sóndirýshiler 2 gaz ballonyn alyp shyqty.

Jalpy aýmaǵy 150 sharshy metrge jaıylǵan órt saǵat 12.28-de sóndirildi.

Oqys oqıǵadan eshkim zardap shekpedi. Qazirgi kezde órttiń shyǵý sebebi, keltirilgen shyǵyn, kináli adamdar anyqtalyp jatyr.

Eske sala keteıik, budan buryn Oralda gaz aýa qospasy jarylyp, er adam kúıik jaraqatyn alǵanyn jazǵan bolatynbyz.