Batys Qazaqstanda ortalyqtandyrylǵan ottegi kózine 100-ge jýyq adam qosylǵan

ORAL. QazAqparat – Batys Qazaqstan oblysynda osy kezge deıin 12412 adam koronavırýs juqtyrdy, dep habarlaıdy QazAqparat tilshisi.

BQO densaýlyq saqtaý basqarmasy basshysynyń mindetin atqarýshy Arman Qalıbekovtiń óńirlik kommýnıkatsııalar qyzmeti alańynda málim etkenindeı, sonyń ishinde 6714 adamda aýrý belgileri bolsa, 5698-i – sımptomy joqtar.

Kúni búginge deıin indet juqtyrǵandardyń 9970-i nemese 80,3 paıyzy jazylyp shyqsa, sonyń 4368-i statsıonarlyq, 5602-si ambýlatorlyq em aldy. 199 adam kóz jumdy.

Arman Talǵatulynyń sózine qaraǵanda, qazirgi tańda 195 tósektik 4 karantındik statsıonarda 19 adam emdelýde. 591 tósektik 7 juqpaly aýrýlar statsıonarynda 312 adam em alýda.

Sondaı-aq 18 naýqas jansaqtaý bóliminde jatyr. Bulardyń jeteýi – 25-60, taǵy jeteýi – 60-80 jas aralyǵyndaǵylar, tórteýi – seksennen asqandar. Jansaqtaý bólimindegi 13 naýqastyń sozylmaly derti bolsa, sonyń 10-y júrek-qan tamyrlary aýrýyna shaldyqqan.

«Kúni búgin ınvazıvti emes jasandy tynys alý apparatyna 4, ottegi kontsentratoryna 11, ortalyqtandyrylǵan ottegi kózine 98 naýqas qosylǵan. Oblysta qosymsha 1986 tósek- oryn rezervte tursa, sonyń 1221-i ınfektsııalyq, 765-i karantındik statsıonarlarda. Ár emhanada COVID-19 jáne pnevmonııaǵa shaldyqqan, sozylmaly aýrýlary bar patsıentterdi, sondaı-aq kórsetkishter boıynsha júkti áıelder men balalardy úıde baqylaý úshin 124 mobıldi brıgada jumys jasaýda. Mobıldi brıgada táýligine orta eseppen 350 shaqyrýǵa barsa, sonyń ishinde 65-i COVID-19 boıynsha», dedi A.Qalıbekov.

Eske sala keteıik, budan buryn BQO-da karantın talabyn buzǵandarǵa 5 mln teńge aıyppul salynǵanyn jazǵan bolatynbyz.