Batys Qazaqstanda máslıhattarǵa 188 depýtat saılanbaqshy

ORAL. QazAqparat – Batys Qazaqstan oblysynda túrli deńgeıdegi máslıhattarǵa 188 depýtat saılanbaqshy, dep habarlaıdy QazAqparat tilshisi.

BQO aýmaqtyq saılaý komıssııasynan málim etkenindeı, sonyń ishinde 30-y oblystyq, 24-i qalalyq, 134-i aýdandyq máslıhattarǵa ótedi.

Oblystyq máslıhatqa 15-i bir mandattyq, ıaǵnı majorıtarlyq júıe, qalǵan jartysy partııalyq tizim boıynsha saılanady. Al qalalyq jáne aýdandyq máslıhattarǵa úmitkerler bir mandattyq okrýg boıynsha dodaǵa túsedi.

Sonymen qatar Májiliske oblystan majorıtarlyq júıe boıynsha №14 saılaý okrýginen bir depýtat saılanady.

Kandıdattardy usyný 20 qańtarda bastalyp, odan ári jalǵasýda. Úmitkerlerdi usyný 8 aqpan kúni saǵat 18.00-de márege jetip, sodan keıin tirkeý jumystary bastalady.

«Óńirde 504 saılaý ýchaskesi bar. Ýchaskelik saılaý komıssııalary músheleriniń jalpy sany – 3148. 158 okrýgtik saılaý komıssııasy bolsa, olarda 790 múshe bar. Qazirgi kezde barlyq saılaý ýchaskeleri men komıssııalary kúntizbelik josparǵa sáıkes óz jumystaryn atqarýda», dep habarlady komıssııadan.

Eske sala keteıik, budan buryn BQO máslıhaty depýtatynyń senator el úmitin aqtasa ekendigi týraly aıtqanyn jazǵan bolatynbyz.