Batys Qazaqstanda KVI juqtyrǵandardyń 60 paıyzǵa jýyǵy - Oral turǵyndary

ORAL. QazAqparat – Batys Qazaqstan oblysynda jyl basynan beri 10739 adam koronavırýs juqtyrsa, sonyń 59,4 paıyzy (6380) Oral qalasynda tirkelgen, dep habarlaıdy QazAqparat tilshisi.

BQO densaýlyq saqtaý basqarmasy málim etkendeı, sondaı-aq aýyrǵandardyń 12,6 paıyzy (1354) Báıterek, 10,9 paıyzy (1175) Bórli aýdanynyń úlesine tıedi.

Qazirgi tańda oblysta 18 ınfektsııalyq statsıonar 50,6 paıyzǵa (1123 tósekte 569 naýqas jatyr) tolǵan.

Sonyń ishinde Oral qalasynda 600 tósektik 5 aýrýhanada 479 adam emdelýde (79,5 paıyzǵa tolǵan). Oblystyq ınfektsııalyq aýrýhanada 350 tósekte 307 naýqas ornalastyrylǵan (87,7 paıyz). Sonyń ishinde jańadan salynǵan 200 tósektik modýldik aýrýhanada 187 adam em qabyldaýda (93,5 paıyz). Al oblystyq juqpaly aýrýlar aýrýhanasynyń 150 tósektik eki korpýsynda 120 naýqas jatyr (80 paıyz). 65 orynǵa eseptelgen jansaqtaý bólimshesinde 33 adam emdelýde (50,7 paıyz).

Óńirde rezerv retinde 1444 (679-y ınfektsııalyq, 765-i karantındik) tósek-oryn ázirlendi.

Basqarma málimetine qaraǵanda, dári-dármekke arnalǵan turaqtandyrý qoryn tolyqtyrý úshin 422 mln teńge bólinse, sonyń 217 mln teńgesi boıynsha kelisimshartqa qol qoıyldy.

Oblysta koronavırýsty zertteýge arnalǵan 13 zerthana jumys jasaıdy. Sońǵy táýlikte 2056 zertteý júrgizildi.

Óńirde sońǵy táýlikte koronavırýs juqtyrǵan 145 adam tirkelse, 72 naýqas jazylyp shyqty.

Sońǵy aptada aldyńǵymen salystyrǵanda, indet juqtyrý kórsetkishi 14,8 paıyzǵa (161-ge) azaıdy.

Іndet bastalǵaly oblysta barlyǵy 20105 adam tirkelip, sonyń 15626-sy saýyǵyp shyqty. 294 adam kóz jumdy.

Batys Qazaqstanda 54766 adam vaktsınanyń birinshi, 20897-si ekinshi komponentin saldyrdy.

Eske sala keteıik, budan buryn Batys Qazaqstanda 52 myńnan astam adamnyń koronavırýsqa qarsy ekpe saldyrǵanyn jazǵan bolatynbyz.