Batys Qazaqstanda kúshti jel balabaqshanyń shatyryn julyp túsirdi

ORAL. QazAqparat - Batys Qazaqstan oblysynda kúshti jel balabaqshanyń shatyryn julyp túsirdi, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa 9 shilde kúni keshke qaraı Kaztalov aýdany Qoshankól aýylynda boldy.

«Saǵat 17.45-te ekpini sekýndyna 16 metrge deıin jetken qatty jel qos qabatty «Qarlyǵash» balabaqsha ǵımaratynyń 320 sharshy metr shatyryn ushyryp áketken. Bul týraly saǵat 18.50-de habar túsken. 1984 jyly salynǵan ǵımarattyń jalpy aýdany – 381 sharshy metr. Zardap shekkender joq. Arnaıy komıssııa qurylyp, keltirilgen shyǵyn anyqtalý ústinde», - dep habarlady vedomstvodan.

Eske sala keteıik, budan buryn Batys Qazaqstanda jer órtenip jatqanyn jazǵan bolatynbyz.