Batys Qazaqstanda qosymsha karantındik shekteý sharalaryn engizý usynyldy

ORAL. QazAqparat – Batys Qazaqstan oblysynda koronavırýstiń órshýine baılanysty qosymsha karantındik shekteý sharalaryn engizý usynyldy. Bul týraly oblys ákimi Ǵalı Esqalıevtiń tóraǵalyq etýimen ótken óńirlik jedel shtab otyrysynda aıtyldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaevtyń málim etkenindeı, qaýlyǵa ózgeristerdi 10 shildeden bastap engizý kózdelýde.

Atap aıtqanda, parkterde, jaǵalaýlarda, alańdarda, skverlerde balalar men eresekterge jyljý quraldaryn (elektromobıl, pedaldi avtomobıl, samokat, kartıng, gıroskýter jáne t.b.) jalǵa berýge, ashyq aýadaǵy atraktsıondar jumysyna tyıym salynady.

Monshalar saǵat 07.00-den 24.00-ge deıin jumys jasaıtyn bolady.

Sonymen qatar saýna, SPA ortalyqtar, basseınderdiń jumys kestesi qysqartylyp, saǵat 07.00-den 21.00-ge deıin ashyq bolmaq. Bul «Ashyq» qosymshasymen jumys istemeıtin nysandarǵa qatysty.

Muhamǵalı Qaıyrjanulynyń sózine qaraǵanda, 1 shildeden beri oblysta 1029 adamnan koronavırýs tabylyp, sonyń 40 paıyzy (407) Oral qalasynda, 16 paıyzy (169) Báıterek, 15 paıyzy (154) Bórli aýdanynda tirkeldi.

«Epıdemıologııalyq ahýaldy baǵalaý matrıtsasyna sáıkes 28 maýsymnan bastap Aqjaıyq, Bókeı ordasy, Bórli, Báıterek, Syrym, Tasqala, Shyńǵyrlaý aýdandary jáne Oral qalasy qyzyl aımaqta tur. Jánibek, Kaztalov, Qaratóbe, Terekti sary, Jańaqala aýdany jasyl aımaqta», dedi M.Aryspaev.

Shilde aıynda memlekettik shekaradan anyqtamasyz 127 jolaýshy ótti. Olardyń arasynan koronavırýs shyqqan joq. Anyqtamasyz ótken 370 júrgizýshiniń bireýinen indet tabyldy.

7 shildeden bastap «Syrym» beketinde anyqtamasyz ótken júrgizýshiler men jolaýshylardy tekserý úshin jyljymaly zerthana qoıyldy.

Osy aıda barlyǵy 11667 PTR zertteý (kúnine orta eseppen 1944) júrgizildi.

Eske sala keteıik, budan buryn Batys Qazaqstanda sońǵy aptada koronavırýs juqtyrǵandar sany 41 paıyzǵa óskenin jazǵan bolatynbyz.