Batys Qazaqstanda qolaısyz aýa raıyna baılanysty jol jabyldy

ORAL. QazAqparat - Batys Qazaqstan oblysynda aýa raıynyń nasharlaýyna baılanysty jol jabyldy, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, «QazAvtoJol» AQ BQO fılıalynyń málimeti boıynsha 21 qarasha kúni saǵat 07.30-dan respýblıkalyq mańyzy bar Samara-Shymkent joly (394-526 km, Jympıty aýylynan Aqtóbe oblysynyń shekarasyna deıin) barlyq kólik túrleri úshin qozǵalysqa shekteý qoıyldy.

Jabylý sebebi - qar aralas jańbyr, kóktaıǵaq.

Sondaı-aq osyndaı sebeppen Samara-Shymkent jolynyń (710-526 km) Qurshasaı aýylynan BQO shekarasyna deıingi aralyǵy da jabylǵan.

Eske sala keteıik, budan buryn BQO-da órtengen eki turǵyn úıden úsh gaz ballony shyǵarylǵanyn jazǵan bolatynbyz.