Batys Qazaqstanda qaıyrymdylyq aılyǵy ótkizilmek

ORAL. 27 qyrkúıek. QazAqparat - BUU Bas Assambleıasynyń qyryq besinshi sessııasynyń usynysy boıynsha Halyqaralyq qarttar kúni dástúrli túrde jyl saıyn 1 qazanda atap ótiledi.

Sonymen qatar Qazaqstan Respýblıkasy Prezıdentiniń Jarlyǵymen qazan aıynyń ekinshi jeksenbisi Qazaqstan Respýblıkasynyń Múgedekter kúni bolyp belgilendi. Halyqtyń áleýmettik turǵydan qorǵalatyn tobyna jatatyn azamattarǵa qamqorlyq kórsetý, olardyń jaǵdaılaryna kóńil bólý maqsatynda 2012 jyldyń 1 qazany men 1 qarashasy aralyǵynda «Meıirbandyq kúnderi» oblystyq qaıyrymdylyq aılyǵyn ótkizý týraly Batys Qazaqstan oblysy ákimdiginiń qaýlysy qabyldandy.

Osyǵan baılanysty barlyq aýdandarda jáne Oral qalasynda qarttar kúnine arnalǵan qaıyrymdylyq aktsııalaryn ótkizý, menshik nysanyna qaramastan, oblystyń kásiporyndaryn atalǵan aktsııaǵa qatysýǵa tartý, egde adamdarǵa materıaldyq kómek kórsetý, qarttar men múgedekterge arnalǵan medıtsınalyq-áleýmettik mekemelerinde saltanatty sharalar ótkizý, kezdesýler uıymdastyrý, sondaı-aq basqa da qaıyrymdylyq sharalaryn uıymdastyrý josparlanyp otyr.