Batys Qazaqstanda karantındik shekteý sharalary jeńildetildi

ORAL. QazAqparat – BQO bas memlekettik sanıtar dárigeri Muhamǵalı Aryspaevtyń 31 mamyrdaǵy jańa qaýlysy shyqty, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, qaýly 2 maýsymnan bastap kúshine enedi.

Oblystyń sary aımaqqa kirýine baılanysty shekteý sharalary jeńildetildi.

Atap aıtqanda, buǵan deıin memlekettik organdar men kvazımemlekettik sektor uıymdary qyzmetkerleriniń keminde 80, jeke kásipkerliktegilerdiń 50 paıyzy qashyqtan jumystan jasap kelgen edi. Endi 2 maýsymnan bastap memlekettik organdar men kvazımemlekettik sektor uıymdarynyń keminde 50 paıyzy jumysyn qashyqtan atqarady.

Sonymen qatar memlekettik organdar, uıymdar, ofıster qyzmetkerlerge COVID-19-ǵa qarsy vaktsınatsııalaý júrgizilgen jaǵdaıda qashyqtan jáne shtattyq formatta jumys isteıtin qyzmetkerlerdiń paıyzdyq araqatynasy jónindegi talaptardy eskermeı qyzmetin uıymdastyra alady. Osy oraıda ekpeniń tolyq kýrsynan ótken jáne sońǵy alty aıda koronavırýspen aýyryp, emdelip shyqqan barlyq qyzmetkerler shtattyq rejımde jumys isteı alady.

Alaıda jınalys, keńester, semınar, konferentsııalar selektorlyq rejımde jáne beınebaılanys arqyly ótkiziledi.

Basqa da karantındik talaptar saqtalady.

Eske sala keteıik, budan buryn Batys Qazaqstanda blokpostar alynǵanymen, shekteý sharalary saqtalatynyn, óńirde 68 myńǵa jýyq adamnyń koronavırýsqa qarsy egilgenin jazǵan bolatynbyz.

Sondaı-aq Batys Qazaqstanda sońǵy tórt kúnde 360-qa jýyq adamnan koronavırýs tabyldy.