Batys Qazaqstanda ıt atqan aýyl ákimi vıdeoǵa túsip qaldy
BQO polıtsııa departamentiniń baspasóz qyzmeti málim etkendeı, oqıǵa 2 naýryz kúni shamamen saǵat 13.15-te Tasqala aýdany Dostyq aýyldyq okrýginde boldy.
«Venoıl» janar-jaǵarmaı stansasynda 1966 jylǵy er adam pnevmatıkalyq qarýdan ıtterge eki ret oq atqan. Alaıda kózi nashar kóretindikten, tıgize almaǵan.
Teksere kelgende, ıtterdiń qańǵybas ekendigi anyqtaldy.
«Atalmysh derek Tasqala aýdany polıtsııa bóliminde tirkeldi. Tekseris qorytyndysynda er adamnyń is-áreketinde ákimshilik jáne qylmystyq quqyqbuzýshylyq belgileri joq bolyp shyqty. Atalǵan er adam Dostyq aýyldyq okrýginiń ákimi bolǵandyqtan, materıal tártiptik komıssııa otyrysynda qaraý úshin Tasqala aýdany ákimdigine jiberildi. Sonyń qorytyndysyna sáıkes quqyqtyq baǵa berilip, tıisti tártiptik shara qoldanylady», dep habarlady vedomstvodan.
Aıta keteıik, aýyl ákimi oq atqan sát vıdeoǵa túsip, áleýmettik jeli arqyly tarap ketken.