Batys Qazaqstanda GAZel avtokóliginiń túgi qalmaı janyp ketti

ORAL. QazAqparat – Batys Qazaqstan oblysynda GAZel avtokóligi túgeldeı janyp ketti, dep habarlaıdy QazAqparat tilshisi.

BQO TJD baspasóz qyzmetinen málim etkendeı, oqıǵa 3 tamyz kúni Terekti aýdany aýmaǵynda Fedorov-Aqsaı jolynyń 30-shaqyrymynda boldy.

Departamentten túsken málimetke qaraǵanda, saǵat 16:57-de Prıdorojnyı aýyly mańynda GAZel avtokóligi otqa orandy. Órtti sóndirýge jeke quramnan 4 adam (1 tehnıka) jumyldyrylyp, «tilsiz jaý» saǵat 18:00-de aýyzdyqtaldy. Adamdar aman.

«Jyl basynan beri oblys aýmaǵynda 59 avtokólik (ótken jyly osy merzimde – 50) órtenip ketti. Munyń negizgi sebebi – elektr symdary men jabdyqtarynyń qysqa tuıyqtalýy, sondaı-aq kólik quraldary ıeleriniń qarapaıym qaýipsizdik erejelerin saqtamaýy», - dep habarlady vedomstvodan.

Eske sala keteıik, budan buryn er adamnyń 7 jastaǵy inisimen Jaıyq ózenine batyp ketkenin jazǵan bolatynbyz.